INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
Die oorkoepelende doel van onderwysbeleid moet wees om alle individue in staat te
stel om suksesvol te wees in en toegang te hê tot, lewenslange leer en goeie gehalte
opleiding (RSA 1995: Art. 4(5)).
Onderwys- en opleidingsgeleenthede moet toenemend toeganklik vir almal wees
(RSA 1995: Art. 4(6)).
Ongelykhede van die verlede moet aangespreek word en stappe moet geneem word
om agterstande uit te wis. Dit is in besonder van toepassing op diegene wat
besonder kwesbaar is, byvoorbeeld straatkinders, kinders wat nie skoolgaan nie en
gestremde kinders (RSA 1995: Art. 4(7)).
Hierdie Witskrif oor Onderwys en Opleiding het die weg gebaan vir ’n onderwysstelsel
waarbinne individue se reg tot selfbeskikking en gelyke geleenthede onbetwisbaar is.
Die sogenaamde Suid-Afrikaanse Skolewet, het kort hierna gevolg, en het sake in meer
detail uitgeklaar.
2.3.2.3 Suid -Afrikaanse Skolewet
Die Suid Afrikaanse Skolewet (RSA 1996b ) gee spesifikasies rakende onderwys. Vir
doeleindes van die studie word die volgende uitgewys:
Kinders is verplig om skool by te woon vanaf die eerste skooldag van die jaar waarin
hy/sy sewe word, tot die einde van die jaar waarin hy/sy vyftien jaar oud word, of
graad nege voltooi. Die verpligte ouderdom van leerders met spesiale
onderwysbehoeftes word egter deur die Minister van Onderwys bepaal (RSA 1996b:
Art. 3).
Openbare skole moet leerderstoelaa, sonder om op enige onredelike wyse teen hulle
te diskrimineer t en moet voorsiening vir hulle onderwysbehoeftes maak. Leerders
mag nie aan toelatingstoetse onderwerp word nie en mag nie toelating geweier word
omdat hulle, onder andere , nie die skoolfooie kan bekostig nie (RSA 1996b: Art. 5).
Die regte en wense van die ouers en die leerder moet in die geval van die toelating
van ’n leerder met spesiale onderwysbehoeftes in ag geneem word (RSA 1996b : Art.
5(6)).
Indien ’n leerder toelating tot ’n skool geweier word, moet die redes vir die weiering
skriftelik aan die ouers gegee word, en mag die ouers teen die weiering appelleer
(RSA 1996b: Art. 5(8 & 9)).
Die provinsiale regering moet voorsiening maak vir onderwys vir leerders met
27