INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
nodig vir dogters, arm kinders of gestremdes is om onderwys te ontvang nie (EENET
2001: 2).
2.2.3.2 Ras- en kultuurverskille in die Verenigde State van Amerika
In die Verenigde State van Amerika is daar sterk en omvattende beleid om gelyke
onderwysgeleenthede vir almal te voorsien. Inklusiewe onderwys word as die norm
aanvaar en integrasie en gelykheid word as maatstaf gebruik. Ten spyte hiervan is daar
steeds voorbeelde waar daar onderskeid gemaak word tussen rassegroepe en waar
kultuurgroepe verskillend behandel word.
Die sluiting van skole wat uitsluitlik voorsiening gemaak het vir swart leerders in die
Verenigde State van Amerika, na ’n Hooggereg shof-uitspraak in 1954, het die hoop in
dié land laat opvlam dat rasseskeiding in skole iets van die verlede was (Thigpen 2004:
32). Tog blyk dit dat daar steeds gereeld insidente plaasvind wat met
rassediskrimenasie en intoleransie verband hou. Rucker, in Harris (1996: 16), verklaar
na aanleiding van ’n insident by ’n skool in Georgia:
We felt it unequal treatment, a dual system of justice. Administrators are not
giving the black students the amount of respect they deserve.
Volgens Thigpen (2004: 32) bestaan sterk vooroordele steeds in klaskamers waar
opvoeders steeds van blanke leerders verwag om beter te presteer as leerders van
ander rassegroepe. Smith, in Barnes, Bentrup, Ekman en Brady (2004: 2), bevestig dit
en verklaar dat daar dubbele standaa rde by opvoeders bestaan:
(There is) a tendency to say, we feel sorry for (Afro-American) kids and don’t
want to push them too hard.
Barnes et al. (2004: 2) toon aan dat ’n opname in Washington DC in 2003 aangetoon het
dat 73% van swart graad vier leerders se vlak van lees onder standaard was. Thigpen
(2004: 32) bevestig dat blanke leerders in baie skole steeds beter presteer as hulle
anderskleurige eweknieë. Moontlike redes wat hiertoe kan bydrae, is onder andere ’n
anti-intellektuele kultuur (Noguera in Barnes et al. 2004: 4), ’n onkritiese houding van
swart ouers teenoor die skole (Ferguson in Barnes et al. 2004: 4) en ’n gebrek aan
stappe om die verskille uit te wis (Thernstrom in Barnes et al. 2004: 5).
21