INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
(d) Onderwyssteunpersoneel verbonde aan spesiale hulpsentrums
Die taak van onderwyssteunpersoneel verbonde aan spesiale hulpsentrums (soos
kinderleidingklinieke) en distrikte se steundienste, gaan in die inklusiewe stelsel ’n nuwe
dimensie kry, aangesien hulle ook verantwoordelik sal wees vir steun en bemagtiging
van opvoeders. Hulle moet dienooreenkomstig georiënteer word en opgelei word vir
hulle nuwe rolle om steun aan alle opvoeders te verleen. Die opleiding sal fokus op
steun vir alle leerders, opvoeders en die stelsel in die geheel sodat die volle spektrum
van leerbehoeftes ingesluit word. Die faktore betrokke by onderrig en leer sal
beklemtoon word en daar sal in besonder aandag gegee word aan die volgende aspekte:
Hoe om goeie onderrigstrategieë, waarby alle leerders sal baat, te ontwikkel.
Hoe om versperrings in die stelsel wat verhinder dat die volle spektrum van
leerbehoeftes aangespreek word, te oorkom.
Hoe om ondersteuningstelsels in die klaskamer aan te pak (RSA 2001: Art. 1.5.2).
(e) Skoolbestuur en Beheerliggame
Volgens die Suid-Afrikaanse Skolewet (RSA 1996b) is die taak van die beheerliggaam
van ’n skool onder andere om die skool se beste belange te bevorder en toe te sien dat
gehalte-onderwys aan al die skool se leerders voorsien word. Voorts bepaal die
beheerliggaam, in samewerking met die skoolbestuur, deur die daarstelling van onder
andere die skool se missie en gedragskode, die etos en kultuur van die skool (RSA
1996b: Art. 20(1)).
Beheerliggame kan slegs in die beste belang van skole optree as hulle ingelig is. Die
beheerliggame en bestuurspanne by skole moet dus in die algemeen georiënteer word
en die inklusiewe model moet aan hulle bekendgestel word (RSA 2001 : Executive
Summary Art. 14; RSA 2001: Art. 1.5.6.4).
Ontwikkelingsprogramme rakende skoolbestuur en –beheer moet hersien word en moet
onder andere fokus op:
Die bestuursimplikasies vir elk van die kategorieë van inrigtings (RSA 2001: Art.
1.5.2).
Die ontwikkeling van effektiewe leierskapsbeleide (RSA 2001: Art. 2.2.1.6).
Die ontwikkeling van effektiewe administrasie en programimplementering (RSA 2001:
Art. 2.2.1.6).
37