INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
behartig nie en ander staatsdepartemente soos die Departemente van Gesondheid,
Maatskaplike Ontwikkeling en Openbare Werke word ook betrek. ’n Voorbeeld
hiervan is dat Departement van Openbare Werke tans ’n werkskeppingsprogram
loods waarin opritte vir rolstoele gebou word (RSA 2001: Art. 2.1.5 & 2.1.7)
Terwyl die proses van hervorming aan die gang is, moet die onderskeie ministeries
voorsiening maak daarvoor dat aan kinders en jeugdiges wat in die proses van
identifisering en assessering is, ondersteunende en effektiewe leer en onderrig
verskaf word, en dat gepaste assesseringspraktyke en duidelike kriteria en riglyne
bestaan en gevestig is om leerders te plaas (RSA 2001: Art. 2.2.1.3).
Die Departement van Maatskaplike Ontwikkeling moet ’n program ontwikkel waar
spesiale maatskaplike behoeftes aangespreek word, insluitend die voorsiening van
toestelle soos rolstoele en gehoorapparate (RSA 2001: Art. 2.2.3.2).
Daar kan gesien word dat die effek van inklusiewe onderwys wyer gaan uitkring en ’n
groot aantal rolspelers gaan betrek.
2.3.3.10 Ouer- en gemeenskapsbetrokkenheid
Ouers is primêr verantwoordelik vir die opvoeding van hulle kinders en het ’n belangrike
rol te vervul om hulle kinders by te sta an om sukses te behaal. In Witskrif 6 word
voorskrifte in dié verband gegee:
By elke opvoedkundige inrigting moet vennootskappe met die ouers gevorm word
sodat hulle, ten spyte van beperkinge, deel kan hê aan die beplanning en
implementering van inklusiewe aktiwiteite en ’n groter rol kan speel in die leer en
onderrig van hulle kinders (RSA 2001: Art. 4.3.10.3).
Skole moet ouers dus as vennote in die opvoeding van lee rders betrek.
Samevattend tot die Suid-Afrikaanse situasie is dit duidelik dat ’n paradigmaverskuiwing
in die onderwys moet plaasvind wat die breër gemeenskap uiteindelik kan verander.
Suid-Afrikaners was vir so ’n lang tyd deel van ’n gesegmenteerde samelewing dat
inklusiwiteit slegs met ’n doelbewuste en daadwerklike poging kan slaag.
41