INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
aangewys word, wat verantwoordelik is vir die dag-tot-dag funksionering van aktiwiteite
wat uit die skool se beleid rakende spesiale onderwysbehoeftes voortspruit (TeacherNet
2004d: 1).
’n Voorbeeld van ’n steunstelsel in Brittanje wat poog om leerversperrings te verwyder, is
die Foreign Language Assistants Scheme wat op die been gebring is. Dit word deur die
onderwysdepartemente befonds en voorsien assistente wat aan leerders, wat nie Engels
ten volle magtig is nie, hulp verleen (TeacherNet 2004c: 1).
Ten spyte van omvattende regulasies en ondersteuningstelsels om inklusiewe onderwys
te bevorder, is daar egter steeds probleme. In ’n verslag wat deur die Walliese
wetgewende vergadering se komitee oor onderwys en lewenslange leer bekend gemaak
is, word kommer uitgespreek oor die ernstige tekort aan terapeute wat leerders met
kommunikasieprobleme kan steun. Volgens die verslag is dit veral Walliese sprekers en
ander leerders wie se huistaal nie Engels is nie, wat hierdeur geraak word. In die
verslag word ook aangedui dat baie leerders skade lei omdat hulle spesiale behoeftes óf
te laat, óf glad nie geïdentifiseer word nie (BBC NEWS 2004a: 1).
By die hulle onderwysunie se jaarlikse kongres het opvoeders hulle kommer uitgespreek
oor aspekte van inklusiewe onderwys wat veral verband hou met akkommodering van
leerders met erge graad van gedragsprobleme (BBC NEWS
2004b: 1). Probleme wat uitgewys is, is onder andere:
die vermindering in die aantal spesiale skole in Brittanje (vanaf 1562 in 1983 na 1160
in 2003);
die gebrek aan kundigheid in skole;
die rompslomp van die stelsel waardeur spesiale behoeftes geïdentifiseer word;
die ontwrigting wat leerders met ernstige gedragsp robleme in skole veroorsaak, en
die gebrek aan intensiewe hulp aan leerders met emosionele leerversperrings.
Dit blyk dus dat inklusiewe onderwys selfs in ’n ontwikkelde land met ’n sterk ekonomie,
nie sonder uitdagings en tekortkominge plaasvind nie.
17