INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
(RSA 2001: Executive Summary Art. 14; RSA 2001: Art. 1.5.6.6; RSA 2001: Art.
4.3.10.1).
(c) Rolle van skole
Een van die belangrike fasette van inklusiewe onderwys is dat elkeen se rol duidelik
uitgeklaar moet wees. Dit is dus ook noodsaaklik dat skole moet weet watter veranderde
rolle en funksies aan hulle opgedra word. Die volgende is van toepassing:
Spesiale skole moet na hulpbronsentrums omgeskakel word. Die hulpbronsentrums
het twee hooffunksies, naamlik om onderwys aan hulle toegewysde leerders (dié met
ernstige of veelvuldige gestremdhede) te verskaf en om by
distrikondersteuningspanne in te skakel om aan skole in die distrik steun te verleen.
(RSA 2001: Art. 4.3.4; RSA 2001: Executive Summary Art. 14; RSA 2001: Art.
1.5.6.1).
Voldiensskole, voldiens volwasseleersentrums en voldiens verdere- en
hoëronderwysinstellings moet geïdentifiseer en gevestig word (sien b(RSA 2001 : Art.
4.3.5 ; RSA 2001: Executive Summary Art. 14; RSA 2001: Art. 1.5.6.3).
Huidige hoofstroomskole moet na algemene inklusiewe skole verander waar vir
leerders met geringe leerversperrings voorsiening gemaak word.
Sodra skole weet wat hulle rolle en funksies is, moet hulle op alle moontlike maniere
toegerus word vir hulle take.
2.3.3.5 Oriëntering en opleiding
Volgens Inglis (2001: 2) is die belangrikste uitdaging wat Suid-Afrika in die gesig staar,
die bemagtiging van opvoeders. Personeelontwikkeling is krities belangrik en word vir
die volgende vyf kategorieë beplan (RSA 2001 : 18):
(a) Opvoeders in die huidige hoofstroomskole
Inklusiewe onderwys kan slegs slaag as die opvoeders dit laat slaag. Dit vereis egter dat
vaardighede en kennis waaroor opvoeders beskik, moet uitbrei, en nuwe vaardighede en
kennis aangeleer moet word (RSA 2001: 18).
Professionele personeel by skole moet in die algemeen georiënteer word en die
35