INKLUSIEWE ONDERWYS: 'N BESTUURSPERSPEKTIEF

Hoofstuk 2: ’n Beleidsoorsig
direk leerders te ondersteun of om as konsultante of mentors op te tree vir die
skoolbestuurspanne, opvoeders en beheerliggame in die distrik (RSA 2001: Art. 3.8.6 &
3.8.7).
Omdat alle leerders nie dieselfde vlak van steun nodig het om hulle potensiaal te
ontwikkel nie , moet die inklusiewe -onderwysstelsel sodanig georganiseer word dat
verskillende vlakke en soorte ondersteuning verleen word (RSA 2001: Art. 1.4.2). Die
beleid hou gevolglik bepaalde implikasies vir elke skool in.
2.3.3.4 Implikasies van die beleid
Die transformasie en verandering wat voorgeskryf word in die beleid van inklusiewe
onderwys moet fokus op die volle spektrum va n onderwys en opleidingsdienste naamlik
nasionale- en provinsiale onderwysdepartemente, verdere- en hoëronderwysinrigtings,
algemene- en spesiale skole, ondersteuningsdienste, die kurrikulum,
assesseringspraktyke, onderwysbestuurders, opvoeders, ouers en die gemeenskap
(RSA 2001: Art. 2.1.14).
Ten einde die beleid van inklusiewe onderwys te implementeer, word die volgende
veranderinge en aksies vereis.
(a) Organisatoriese veranderings
Die organisasie binne die bestaande skoolstruktuur voldoen nie aan die beho eftes van
inklusiewe onderwys nie. Daarom moet die volgende beleids- en organisatoriese
veranderinge plaasvind:
Kapasiteit moet in die onderwysdepartemente gebou word om die beleid te
implementeer en in stand te hou (RSA 2001: Art. 4.3.1).
Toelatingsbeleide moet hersien word om leerders met spesiale onderwysbehoeftes
buite spesiale skole en –klasse in voldiensskole en algemene skole te akkommodeer
(RSA 2001: Art. 2.2.1.2).
Norme wat leerders volgens ouderdom gradeer, moet hersien word om leerders wat
as gevolg van hulle leerbehoeftes nie hierby kan inpas nie, te akkommodeer (RSA
2001 : Art. 2.2.1.2).
Behuisings- en vervoerbeleide en praktyke moet hersien word omdat dit as verkieslik
33