kaapse wynland distriksmunisipaliteit - Matzikama Munisipaliteit

(a) enige departement van die staat of administrasie in die nasionale,
provinsiale of plaaslike sfeer van regering; of
(b) enige ander ampsbekleër of instelling wat -
(i) ’n gesag uitoefen of ’n funksie ingevolge die Grondwet of ’n provinsiale
grondwet verrig; of
(ii) ’n publieke gesag uitoefen of ’n publieke funksie ingevolge enige
wetgewing verrig, sluit nie ’n hof of regterlike beampte in nie;
“sertifikaat van geskiktheid” beteken ‘n sertifikaat beoog in artikel 41;
“sertifikaat van registrasie” beteken ‘n sertifikaat beoog in artikel 64;
“spuit” beteken om met enige gevaarhoudende stof te spuit, verflaag te gee,
oorblaas of epoksiverf en “spuiting” het ‘n ooreenstemmende betekenis”
“spuitpermit” beteken ‘n permit beoog in artikel 124;
“spuitkamer” beteken ‘n kamer beoog in artikel 123;
“straat” beteken enige straat, pad, fietspad, deurgang of enige ander plek,
ingesluit –
(a) enige rand van sodanige pad, straat of deurgang;
(b) enige voetpad, sypaadjie of soortgelyke voetganger gedeelte van ‘n
padreserwe;
(c) enige brug, pont of drif wat enige sodanige pad, straat of deurgang kruis;
(d) enige ander voorwerp behorende tot sodanige pad, straat of deurgang wat
op enige tydstip –
(i) aan die publiek opgedra is;
(ii) deur die publiek sonder onderbreking gebruik is vir ‘n periode van ten
minste dertig jaar;
(iii) verklaar of sodanig aangewys is deur die munisipaliteit of ander
bevoegde gesag; of
(iv) gebou is deur ‘n plaaslike owerheid; en
(v) enige grond, met op sonder geboue of strukture daarop, wat aangetoon
word as ‘n straat op –
(aa) enige onderverdelingsplan of diagram goedgekeur deur die
munisipaliteit of ander bevoegde gesag waarop gehandel is; of
(bb) enige algemene plan soos omskryf in die Grondopmetingswet,
1977 geregistreer of geliasseer in die akteskantoor of kantoor van
die landmeter-generaal, tensy sodanige grond op sodanige plan
of diagram omskryf word as ‘n private straat;
‘‘stoorkamer’’ beteken ’n kamer vir die opberging van vlambare stowwe soos
beoog in artikel 79;
“stort” beteken om van enige gevaarhoudende stof afstand te doen of weg te
doen deur afsetting, morsing of vrylating daarvan;
“Strafproseswet” beteken die Strafproseswet, 1977 (Wet No 51 van 1977);
‘‘summiere bedwinging’’ beteken om ’n toestand onmiddellik te evalueer as ’n
brandgevaar of ander dreigende gevaar vir lewe of eiendom en om te gelas dat
sodanige toestand onmiddellik reggestel word;
‘toevoerroete” beteken daardie gedeelte van ‘n ontsnaproete wat beweging in
twee verskillende rigtings na die toegangsdeure van ten minste twee noodroetes
toelaat;
11