kaapse wynland distriksmunisipaliteit - Matzikama Munisipaliteit

(b) die storingsarea goed geventileer en met ‘n maasdraad heining omhein
is;
(c) die heiningondersteunings van staal of versterkte beton is;
(d) die hek van die storingsarea na buite oopmaak en dit toegesluit is
wanneer nie in gebruik;
(e) wanneer die vloeroppervlakte 10m² oorskry, ‘n addisionele
ontsnappingshek toegerus met ‘n skuifgrendel of ander soortgelyke
sluitapparaat wat van die binnekant sonder die gebruik van ‘n sleutel
oopgemaak kan word, geïnstalleer is; en
(f) die storingsarea vry is van plantegroei en ‘n onbrandbare, stewige en
gelyk basis het.
(6) Wanneer die hoeveelheid van vlambare en brandbare vloeistowwe wat
opgeberg word meer is as 100 liter van klas I en/of meer as 200 liter van
klas II en IIIA gekombineerd, moet sodanige vlambare en brandbare
vloeistowwe in ‘n stoorkamer gestoor word.
(7) Enige persoon wat subartikels (1), (2), (3), (4) en (6) oortree begaan ‘n
misdryf.
HOOFSTUK 10 : GEVAARHOUDENDE STOWWE
100. Aansoek vir goedkeuring van planne
(1) Nieteenstaande die bepalings van die Wet op Nasionale Bouregulasies en
Boustandaarde, 1977 moet elke eienaar van persele op of waarin enige
uitleg of strukturele verandering beoog word, of waarop enige fasiliteit vir of
in verband met die gebruik, opberging of hantering van gevaarhoudende
stowwe opgerig of geïnstalleer word, planne in drievoud op die
voorgeskrewe vorm aan die munisipaliteit voorlê.
(2) Die gelde vir die ondersoek van planne is soos bepaal in die munisipaliteit
se Tariefbeleid, welke gelde die plan indieningsgelde gehef deur die
boubeheerbeampte uitsluit.
(3) Behalwe planne wat geag word klein bouwerk te behels, moet alle planne
voorgelê aan die brandweerhoof die amptelike stempel of merk van die
boubeheerbeampte bevat.
(4) Geen konstruksiewerk of installering mag ‘n aanvang neem nie tensy die
boukontrakteur in besit is van amptelik goedgekeurde planne, welke planne
die kommentaar van die brandweerhoof moet insluit. Die planne moet vir
die duur van konstruksie of installeringswerk op die perseel vir inspeksie
beskikbaar wees.
(5) Die bepalings van artikel 23 van die Wet op Nasionale Bouregulasies en
Boustandaarde, 1977 is van toepassing op die goedleuring van alle planne
soos beoog in hierdie artikel.
(6) Die goedkeuring van enige plan deur die munisipaliteit sal ongeldig wees
indien die geboue, konstruksies of installerings nie binne een jaar van die
datum van sodanige goedkeuring, ooreenkomstig die goedgekeurde planne
opgerig is nie.
51