kaapse wynland distriksmunisipaliteit - Matzikama Munisipaliteit

(1) Elke eienaar van ‘n gebou moet verseker dat enige ontsnapdeur in die
gebou –
(a) gemonteer is met skarniere wat in die rigting van ontsnapping oopmaak;
en
(b) toegerus is met ‘n faalvrye sluitingsapparaat of apparate wat nie ‘n
sleutel benodig om uit te gaan nie.
(2) Elke eienaar van ‘n gebou moet verseker dat enige deur in ‘n toevoerroete–
(a) ‘n dubbel swaai-tipe deur is; en
(b) nie toegerus is met enige sluitmeganisme nie;
(3) Nieteenstaande die bepalings van subartikel (2), indien dit nodig is dat ‘n
deur in ‘n toevoerroete gesluit word vir veiligheidsredes, moet die eienaar of
persoon in beheer van die gebou ‘n alternatiewe ontsnapwyse goedgekeur
deur die brandweerhoof, voorsien.
(4) Geen persoon mag enige ontsnaproete van enige perseel belemmer of
toelaat dat dit belemmer word sodat dit die ontsnapping van enige persoon
of dier van die perseel tydens ‘n noodgeval voorkom of hinder nie.
(5) Waar vereis deur die brandweerhoof moet ‘n ontsnaproete duidelik
aangedui word met tekeninge wat aan SANS 1186 voldoen, tonende die
rigting van ontsnap in die geval van vuur of ander noodgeval.
(6) Enige persoon wat subartikels (1), (2), (3), (4) of (5) oortree begaan ‘n
misdryf.
31. Vereistes vir branddeure en toebehore
(1) Onderworpe aan SANS 1253, moet ‘n branddeur en toebehore op so ‘n
wyse onderhou word dat dit in die geval van ‘n brand sy integriteit, insulasie
en stabiliteit vir die tydperk vereis vir die besondere klas van deur, behou.
(2) ‘n Branddeur mag oopgehou word slegs wanneer dit toegerus is met ‘n
outomatiese ontsluiting oop-hou apparaat goedgekeur deur die
brandweerhoof.
(3) ‘n Branddeur en toebehore mag nie minder effektief gemaak word deur die
volgende aksies nie –
(a) verandering van die integriteit, insulasie of stabiliteit van ‘n besondere
klas van deur;
(b) diskonnektering van die selfsluitingsmeganisme;
(c) vasknelling, blokkering of belemmering van die deur sodat dit nie kan
toemaak nie;
(d) verf van die sekeringskakel werkmeganisme van ‘n deur;
(e) diskonnektering of minder effektief making van ‘n elektriese of
elektroniese losmeganisme; of
(f) enige ander aksie wat ‘n branddeur of toebehore minder effektief sal
maak.
(4) Enige persoon wat subartikels (1), (2) en (3) oortree begaan ‘n misdryf.
32. Ontwerp, identifisering en toegang vir brandbestryding en
reddingsdoeleindes
23