kaapse wynland distriksmunisipaliteit - Matzikama Munisipaliteit

(3) Indien die munisiapliteit besluit om ‘n openbare ondersoek te hou, moet dit–
(a) ‘n toepaslik gekwalifiseerde persoon of paneel van persone aanstel om
sodanige ondersoek te hou; en
(b) die prosedure vir die openbare ondersoek bepaal, wat ‘n openbare
verhoor mag insluit.
(4) Die persoon of paneel persone aangestel om sodanige ondersoek te hou
moet die ondersoek ooreenkomstig die voorgeskrewe prodedure uitvoer en
‘n geskrewe verslag oor die ondersoek aan die portefeulje komitee opstel
en redes verskaf vir enige administratiewe aksie wat aanbeveel word.
(5) Waar prakties, sal die munisipaliteit so spoedig moontlik na voorlegging van
die verslag aan die betrokke portefeulje komitee, ‘n bondige opsomming
van sodanige verslag en die besonderhede en plekke en tye waarop die
verslag geïnspekteer en gekopieër mag word, publiseer; en
(6) Nadat die munisipaliteit enige kommentaar of beswaar ten opsigte van
sodanige verklaring of afskaffing in ag geneem het, mag dit ‘n
brandbeheersone verklaar of enige sodanige brandbeheersone betrokke
afskaf.
(7) Die munisipaliteit moet sodanige sone of gewysigde sone publiseer.
HOOFSTUK 8 : ALGEMENE BEPALINGS MET BETREKKING TOT GEBRUIK,
HANTERING EN OPBERGING VAN VLAMBARE STOWWE
75. Algemene verbodbepalings vir die gebruik, hantering en opberging
van vlambare stowwe
(1) Geen persoon wat ‘n vlambare stof gebruik, hanteer of opberg of die
gebruik, hantering of opberging daarvan op enige perseel toelaat, mag –
(a) enigiets doen of toelaat dat enigiets gedoen word wat ‘n brand of
ontploffing mag veroorsaak nie;
(b) enigiets doen of toelaat dat enigiets gedoen word wat die ontsnapping
na veiligheid van enige persoon of dier tydens ‘n noodgeval mag
belemmer nie.
(2) Geen persoon mag –
(a) enige vlambare stof stort of uitgooi of toelaat dat dit gestort of uitgegooi
word in enige boorgat, riool, dreinstelsel of oppervlakwater nie;
(b) enige vlambare stof wegdoen of toelaat dat dit weggedoen word van
enige perseel op enige wyse anders as deur ‘n bevoegde persoon wat
behoorlik toegerus en gemagtig is om dit ingevolge hierdie verordening
te doen;
(c) enige vuur of apparaat wat geskik is om ‘n oop vlam te produseer binne
5 meter van enige plek waar ‘n vlambare stof opgeberg word, maak of
bring of enige ander persoon toelaat om dit te doen nie;
(d) enige apparaat in verband met ‘n vlambare stof, anders as ‘n gassweis
of snyapparaat, wat uitsluitlik gebruik word vir onderhoud van die gebou,
in enige keldervlak van ‘n gebou gebruik of die gebruik daarvan toelaat
nie;
41