kaapse wynland distriksmunisipaliteit - Matzikama Munisipaliteit

(e) simboliese tekens van ten minste 300mm x 300mm in grootte wat rook
en oop vlamme verbied aangebring is op alle sye van die tydelike
installasie; en
(f) ‘n minimum van twee 9kg droë chemiese brandblussers geïnstalleer is
binne 10m van die tydelike installasie.
(3) Enige persoon wat versuim om aan die bepalings van hierdie artikel te
voldoen begaan ‘n misdryf.
106. Aflewering van gevaarhoudende stowwe
(1) Enige persoon wat gevaarhoudende stowwe aan enige leweransier of
gebruiker lewer –
(a) mag nie enige afleweringsvoertuig op of oor enige sypaadjie of ‘n
openbare pad parkeer nie;
(b) mag nie enige afleweringspyp op of oor enige sypaadjie, openbare pad
of ander persele plaas of toelaat dat dit daarop of daaroor lê, of deur of
oor ‘n gebou gaan, nie;
(c) moet verseker dat ‘n 9kg droë chemiese brandblusser beskikbaar en in
die onmiddellike omgewing vir gereedheid te alle tye geplaas is;
(d) moet verseker dat gedurende die pompoordrag van gevaarhoudende
stowwe by wyse van ‘n pyp of slang, die afleweringsvoertuig en alle
komponenete van die oordrag ingesluit die opbergingsfasiliteit, verbind
en gegrond is;
(e) moet verseker dat die afleweringsvoertuig so geposisioneer is sodat dit
vinnig en maklik in die geval van ‘n noodsituasie verwyder kan word
sonder om die situasie te vererger; en
(f) moet verseker dat geen gevaarhoudende stowwe oorgeplaas word van
‘n afleweringsvoertuig na ‘n lekkende of stukkende fasiliteit.
(2) Die eienaar van enige apparaat wat verbind is met of gebruik word vir die
lewering van ‘n gevaarhoudende stof moet verseker dat die apparaat
ontwerp is vir die beoogde gebruik en in ‘n veilige en goeie werkende
toestand is.
(3) Die persoon in beheer van enige leweringsproses in verband met enige
gevaarhoudende stof moet redelike voorsorgmaatreëls tref om te verseker
dat geen gevaarhoudende stof op enige oppervlakte gemors word
gedurende die lewering of oordrag daarvan van ‘n afleweringsvoertuig na ‘n
opbergingsfasiliteit nie.
(4) Geen persoon mag enige gevaarhoudende stof na ‘n motorvoertuig,
vliegtuig, vaartuig, skip of boot oorplaas of die oorplasing daarvan toelaat
terwyl die kragtoevoer daarvan in werking is nie.
(5) Geen persoon mag ‘n gevaarhoudende stof na ‘n vliegtuig oorplaas nie
tensy en totdat die vliegtuig met die oorplasingsapparaat verbind en tot die
grond gegrond is.
(6) Enige persoon wat versuim om aan die bepalings van hierdie artikel te
voldoen begaan ‘n misdryf.
107. Sekere aksies verbode
56