kaapse wynland distriksmunisipaliteit - Matzikama Munisipaliteit

(2) ‘n Munisipale bestuurder mag enige bevoegdheid wat ingevolge hierdie
Verordening aan hom verleen is delegeer in ooreenstemming met die
delegeringstelsel van die munisipaliteit wat ingevolge artikel 59 van die op
Munisipale Stelselswet ontwikkel is.
9. Brandweerhoof
(1) Die brandweerhoof het die bevoegdhede soos beoog in artikels 8(1) en 8(2)
van die Wet en moet ook –
(a) sodanige algemene bevele, prosedures, reëls en sodanige ander
maatreëls maak of implementeer as wat nodig geag word vir die
behoorlike administrasie en afdwinging van hierdie verordening; met
dien verstande dat die maak of implementering van sodanige algemene
bevele, prosedures, reëls en ander sodanige ander maatreëls nie
teenstrydig met die bepalings van hierdie verordening of enige ander
verordening of beleid van die munisipaliteit is nie.
(b) verseker dat kontaknommers ten opsigte van die diens beskikbaar
gemaak word aan die publiek en ander instellings of organisasies;
(c) die munisipale bestuurder in kennis stel van operasionele vereistes vir
die strukturering van die diens soos beoog in artikel 5.
(2) Nieteenstaande enigiets tot die teendeel vervat in enige ander wet, het die
brandweerhoof die bevoegdheid om die oorsaak, ontstaan en
omstandighede van enige brand of ander dreigende gevaar te ondersoek.
(3) Wanneer die brandweerhoof vir enige rede nie in staat is om sy ampspligte
te verrig nie, moet die munisipale bestuurder ‘n behoorlik gekwalifiseerde lid
van die diens as waarnemende brandweerhoof aanstel om die pligte en
bevoegdhede van die brandweerhoof te verrig.
10. Instruksies deur lede van diens
(1) Addisioneel tot enige bevoegdhede soos beoog in artikel 8 van die Wet,
mag ‘n lid enige instruksie aan enige persoon gee ten einde voldoening aan
hierdie verordening of die veiligheid van enige persoon of eiendom te
verseker.
(2) ‘n Instruksie mag mondelings of skriftelik gegee word en indien die
instruksie mondelings gegee word, moet die lid dit skriftelik bevestig en dit
by die vroegste geleentheid aan die persoon gee.
(3) ‘n Instruksie beoog in subartikel (3) mag insluit, maar is nie beperk tot ‘n
instruksie –
(a) vir die onmiddellike ontruiming van enige perseel;
(b) om enige perseel, of gedeelte daarvan, te sluit of te versper totdat enige
oortreding van hierdie verordening reggestel is;
(c) om enige aktiwiteit te staak;
(d) om enige onmiddellike bedreiging van die veiligheid van enige persoon
of eiendom te verwyder;
(e) om gespesifiseerde stappe te neem om onmiddellik of binne ‘n
gespesifiseerde tyd aan hierdie verordening te voldoen; en
15