kaapse wynland distriksmunisipaliteit - Matzikama Munisipaliteit

(c) die wegdoening van sodanige water wat in ‘n kelderverdieping gestort
sou word as gevolg van aktiwiteite met betrekking tot die blus van vuur,
direk in ‘n stormwaterdrein; en
(d) voldoening aan die vereistes van SANS 0400 (Dele A, K, M, O, T, V en
W) in sover dit betrekking het op brandbeskerming.
(2) Onderhewig aan die bepalings van subartikel (3), moet elke eienaar van ‘n
gebou wat toegerus is met ‘n transformator kamer verseker dat –
(a) die transformator kamer op grondvlak geleë is;
(b) toegang tot die transformator kamer vanaf die buitekant van die gebou
is; en
(c) daar voldoende en geredelike toegang tot die transformator kamer is vir
brandweer en onderhoud aktiwiteite.
(3) Subartikels (1) en (2) is nie van toepassing op enige gebou wat bestaan
tydens die inwerkingtreding van hierdie verordening nie.
(4) Enige persoon wat subartikels (1) en (2) of Dele A, K, M, O, T, V en W van
SANS 0400 in sover dit betrekking het op brandbeskerming oortree,
begaan ‘n misdryf.
26. Ontwerp en konstruksie van stortingsterreine
(1) Elke persoon wat enige stortingsterrein ontwerp en bou, moet verseker dat
dit ontwerp en gebou word in ooreenstemming met die instruksies van –
(a) die Departement van Waterwese en Bosbou; en
(b) die munisipaliteit.
(2) Enige persoon wat subartikel (1) oortree begaan ‘n misdryf.
27. Ontwerp en konstruksie van ander strukture en persele
(1) Elke persoon wat enige van die volgende strukture ontwerp, bou of oprig,
moet verseker dat dit voldoen aan ‘n rasionele ontwerp soos beoog deur die
Nasionale Bouregulasies -
(a) enige graan silo;
(b) enige atrium;
(c) enige lugverkeer beheertoring;
(d) enige toring vir telekommunikasie en en ander gebruike;
(e) enige dekgras struktuur wat groter as 20 vierkante meter is en geleë
binne 4,5 meter van enige grenslyn van die betrokke eiendom;
(f) enige tent of ander tydelike struktuur vir die hou van ‘n publieke
byeenkoms; en
(g) enige oopplan kommersiële of industriële perseel met ‘n
dekkingsafstand wat 45 meter gemeet van enige punt in die perseel tot
enige ontsnap- of uitgangsdeur, oorskry.
(2) Elke persoon wat enige vliegtuigloods of helikopterstrook ontwerp of bou,
moet verseker dat dit –
(a) voldoen aan ‘n rasionele ontwerp soos beoog deur die Nasionale
Bouregulasies;
21