kaapse wynland distriksmunisipaliteit - Matzikama Munisipaliteit

(c) ‘n transmissie instrument vir waarskuwing aan inwoners van ‘n brand of
ander noodgeval,
bevestig word aan enige gebou, heining, paal of boom.
(2) Sonder vergoeding aan die eienaar van die perseel betrokke mag die
brandweerhoof bewerkstellig dat die posisie van ‘n brandkraan en
brandalarm of enige ander brandbeskerm inligting gemerk word op enige
gebou, muur, heining, paal, boom, pad, sypaadjie of kraandeksel met ‘n
bord, metaalplaat of geverfde merker of op enige ander wyse, soos
voorgeskryf.
(3) Die brandweerhoof mag te enige tyd bewerkstellig dat ‘n brandalarm, ander
transmissie instrument gemeld in subartikel (1), bord, metaalplaat of
geverfde merker verwyder word deur die eienaar van die perseel betrokke.
(4) ‘n Ongemagtigde persoon word verbied om ‘n brandkraan, ander
transmissie instrument gemeld in subartikel (1), bord, metaalplaat of
geverfde merker te verwyder, skend, verander, peuter of te beskadig.
(5) Geen persoon mag ‘n brandkraan minder effektief, ondiensbaar of
ontoeganklik maak of dit belemmer of daarmee peuter of inmeng nie.
(6) Enige persoon wat subartikels (1), (2), (3), (4) en (5) oortree begaan ‘n
misdryf.
Deel C : Noodontruimingsplanne
38. Brandweerhoof mag persele aanwys vir noodontruimingsplanne
(1) Die brandweerhoof mag deur skriftelike kennisgewing enige perseel
aanwys as perseel wat ‘n noodontruimingsplan vereis.
(2) Die kennisgewing beoog in subartikel (1) moet beteken word op die perseel
betrokke en geadresseer wees aan die eienaar of persoon in beheer van
die perseel.
39. Pligte van eienaar of okkupeerder van aangewysde persele
(1) Die eienaar, of met die goedkeuring van die brandweerhoof, die
okkupeerder, van enige perseel aangewys ingevolge artikel 38 moet –
(a) ‘n volledige noodontruimingsplan vir die perseel voorberei
ooreenkomstig die riglyn vervat in Bylae 1 en dit in drievoud aan die
brandweerhoof voorlê binne 30 dae van betekening van die
aanwysingskennisgewing;
(b) ‘n brandbeskermingskomitee instel bestaande uit bewoners van die
perseel om die eienaar of persoon in beheer van die perseel by te staan
om ‘n brandbeskermingsprogram en gereelde en geskeduleerde
brandontruimingsoefeninge te organiseer;
(c) verseker dat die noodontruimingsplan hersien word –
(i) ten minste elke 12 maande;
(ii) wanneer die vloeruitleg van die perseel verander; en
(iii) wanneer die brandweerhoof hersiening van die plan vereis.
(d) verseker dat ‘n opgedateerde noodontruimingsplan, enige
brandbeskermingsprogram, brandontruimingsoefeninge en
27