kaapse wynland distriksmunisipaliteit - Matzikama Munisipaliteit

(e) terwyl enige persoon, behalwe die bestuurder of enige ander persoon
verantwoordelik vir ‘n bus beoog in die Nasionale Padverkeerswet, in of
op die bus is –
(i) die brandstoftenk volmaak of die volmaak daarvan toelaat; of
(ii) op die bus enige vlambare stof, behalwe in sy brandstoftenk, vervoer
of die vervoer toelaat; en
(f) enige vlambare stof aan enige perseel aflewer of voorsien of die
aflewering of voorsiening toelaat nie tensy die eienaar of persoon in
beheer van die perseel in besit is van ‘n geldige sertifikaat van
registrasie.
(3) Enige persoon wat subartikels (1) en (2) oortree begaan ‘n misdryf.
76. Gebruik, hantering en opberging van vloeibare petroleumgas
(1) Geen persoon mag vloeibare petroleumgas in enige hoeveelheid wat dié
aangedui in Bylae 2 oorskry, gebruik, hanteer of opberg nie tensy –
(a) die persoon in besit is van ‘n sertifikaat van registrasie beoog in artikel
64; en
(b) die gebruik, hantering en opberging van die vloeibare petroleumgas aan
die vereistes van SANS 087, Dele 1, 3, 7 en 10 voldoen.
(2) Vloeibare petroleumgas mag slegs gebruik, hanteer en opgeberg word
binne perseelgrense en met voldoening aan die veiligheidsafstande bepaal
in SANS 087, Dele 1, 3, 7 en 10.
(3) Enige opberging van vloeibare petroleumgassilinders by enige diensstasie
vir kleinhandeldoeleindes moet aan SANS 087, Deel 7, voldoen.
(4) Geen petroleumgassilinder mag by enige openbare uitstalling of
demonstrasie sonder die vooraf skriftelike toestemming van die
brandweerhoof gebruik, hanteer of opgeberg word nie.
(5) ‘n Aansoek om toestemming beoog in subartikel (4) moet skriftelik gedoen
word ten minste 14 dae voor die betrokke gebeurtenis.
(6) Die brandweerhoof mag enige redelike voorwaardes oplê vir die gebruik,
hantering of opberging van vloeibare petroleumgassilinders by enige
openbare uitstalling of demonstrasie, ingesluit maar nie daartoe beperk nie,
tot die getal silinders, wyse van opberging, veiligheidsafstande en ander
veiligheidsvereistes.
(7) Enige persoon wat enige vloeibare petroleumgassilinder gebruik, hanteer of
opberg by enige openbare uitstalling of demonstrasie moet aan enige
voorwaarde opgelê ingevolge subartikel (6) voldoen.
(8) Enige persoon wat subartikels (1), (2), (3), (4), (5), (6) en (7) oortree
begaan ‘n misdryf.
77. Vertoon van simboliese waarskuwingtekens vereis
(1) Die eienaar of enige persoon in beheer van enige perseel waar enige
vlambare of ontplofbare stof gebruik, hanteer of opgeberg word moet in die
geaffekteerde gedeelte van die perseel, simboliese tekens vertoon –
(a) wat rook en oop vlamme verbied;
(b) van ‘n grootte en getal bepaal deur die brandweerhoof; en
42