kaapse wynland distriksmunisipaliteit - Matzikama Munisipaliteit

(7) Enige eienaar van persele of enige ander persoon wat betrokke is by enige
aktiwiteit soos beoog in hierdie artikel namens die eienaar en wat versuim
om aan die bepalings van hierdie artikel te voldoen, begaan ‘n misdryf.
101. Uitreiking van sertifikaat van registrasie
(1) Geen persoon mag op enige perseel gevaarhoudende stowwe gebruik of
toelaat dat dit gebruik, hanteer of opgeberg word in hoeveelhede wat meer
is as aangedui in Tabel 1 hieronder nie, tensy sodanige persoon in besit is
van ‘n sertifikaat van registrasie; met dien verstande dat hierdie artikel nie
van toepassing is nie op persele waar slegs een groep gevaarhoudende
stof gehou of gebruik word en waar die maksimum toelaatbare hoeveelheid
van sodanige stof nie oorskry word nie.
(2) Waar ingevolge subartikel (1) dit nie vereis word dat persele geregistreer
word nie, mag geen persoon enige gevaarhoudende stof gebruik of toelaat
dat dit gebruik, hanteer of opgeberg word nie behalwe in sodanige plek of
op so ‘n wyse wat sal verseker dat –
(a) geen gevaarhoudende stof of dampe in aanraking kom of moontlik in
aanraking sal kom met enige vlam, oop lig of ander bron van
aansteking;
(b) gevaarhoudende stowwe opgeberg word in sterk, geëtiketteerde en
digsluitende geseëlde houers terwyl nie in gebruik;
(c) die ontsnapping van mense of diere nie gehinder of belemmer sal word
in die geval van ‘n brand of noodsituasie nie; en
(d) geen persoon op enige sodanige perseel gevaarhoudende stowwe mag
gebruik of hanteer of veroorsaak of toelaat dat dit gebruik of hanteer
word, behalwe in ‘n paslike plek buitedeurs of in ‘n behoorlik
geventileerde vertrek.
(3) Geen sertifikaat van registrasie vir die gebruik, hantering of opberging van
gevaarhoudende stowwe mag ten opsigte van persele uitgereik word nie,
tensy al die toepaslike bepalings van hierdie verordening nagekom is en ‘n
skriftelike aansoek om registrasie op die voorgeskrewe vorm aan die
munisipaliteit voorgelê is, tesame met die voorgeskrewe gelde.
(4) ‘n Sertifikaat van registrasie –
(a) moet te alle tye in ‘n waterdigte houer op ‘n opsigtelike plek op die
perseel vertoon word soos aangewys deur ‘n lid van die munisipaliteit;
(b) moet in ‘n leesbare toestand gehou word;
(c) moet die groepe en hoeveelhede van gevaarhoudende stowwe
waarvoor die perseel geregistreer is, reflekteer;
(d) moet die getal bogrondse en/of ondergrondse opbergingstenks of
bergingsfasiliteite, en die kapasiteit van elke sodanige opbergingstenk
of bergingsfasiliteit, reflekteer; en/of
(e) moet die getal stoorkamers en die totale kapasiteit van elke stoorkamer
reflekteer; en/of
(f) moet die getal gasinstallasies, die soort gasinstallasie en die totale
volume en/of leweringskapasiteit van elke gasinstallasie reflekteer; en/of
52