kaapse wynland distriksmunisipaliteit - Matzikama Munisipaliteit

(5) Die houer van ‘n sertifikaat van vrystelling moet verseker dat die sertifikaat
te alle tye op die perseel betrokke beskikbaar is vir inspeksie deur enige lid.
129. Goedkeuring, magtiging of toestemming ingevolge hierdie
verordening
(1) Enige persoon wat ‘n goedkeuring, magtiging of toestemming beoog in
hierdie verordening verlang ten opsigte waarvan geen aansoek prosedure
voorsien is nie, moet vir daardie goedkeuring, magtiging of toestemming
aansoek doen –
(a) deur ‘n aansoek in die vorm en wyse bepaal deur die munisipaliteit te
voltooi en voor te lê; en
(b) deur die voorgeskrewe gelde te betaal.
130. Kansellering van goedkeuring, magtiging of toestemming
(1) Die bepalings van artikel 45, gelees met die nodige veranderinge, is van
toepassing op enige goedkeuring, magtiging of toestemming beoog in
artikel 129.
131. Verordening bind die Staat
(1) Hierdie verordening bind die Staat en enige persoon in die munisipaliteit of
die Staat.
132. Appèl
(1) ’n Persoon wie se regte geraak word deur ’n besluit van die munisipaliteit
mag teen sodanige besluit appelleer ingevolge artikel 62 die Wet op
Plaaslike Regering : Munisipale Stelsels, 2000 (Wet 32 van 2000) deur
skriftelike kennisgewing van die appèl en die redes daarvoor binne 21 dae
vanaf die datum van bekendmaking van die besluit, aan die munisipale
bestuurder te gee.
133. Herroeping van verordeninge
(1) Die bepalings van enige verordeninge uitgevaardig deur die munisipaliteit of
enige van die afgeskafte munisipaliteite nou by die munisipaliteit ingelyf,
word hiermee herroep insover dit betrekking het op aangeleenthede
waarvoor in hierdie verordening voorsiening gemaak word, en insover dit
van toepassing gemaak is op die munisipaliteit deur die magtiging vir die
uitoefening van magte en funksies ingevolge artikel 84(3) van die Wet op
Plaaslike Regering : Munisipale Stelsels, Wet 117 van 1998.
134. Kort titel en inwerkingtreding
(1) Hierdie verordening staan bekend as die Brandveiligheid Verordening en
tree in werking op die datum van publikasie in die Provinsiale Koerant.
BYLAE 1
66