kaapse wynland distriksmunisipaliteit - Matzikama Munisipaliteit

tesame met die voorgeskrewe gelde en ‘n sketsplan van die voorgenome
plek van die vuurwerke vertoning, ingesluit die afgebakende gebied vir die
afvuur en uitval van die vuurwerke.
(3) Die aansoek, voorgeskrewe gelde en gepaardgaande dokumente moet aan
die brandweerhoof voorgelê word ten minste 14 dae voor die datum van die
voorgestelde vuurwerke vertoning.
62. Handel in vuurwerke
(1) Geen persoon mag met vuurwerk handel nie tensy –
(a) daardie persoon in besit is van die vereiste vuurwerke lisensie
ingevolge die Wet op Ontplofbare Stowwe; en
(b) skriftelike magtiging van die brandweerhoof het.
(2) Enige persoon wat die skriftelike magteging van die brandweerhoof wil
verkry om met vuurwerke te handel soos beoog in subartikel (1) moet -
(a) ‘n aansoekvorm voltooi in die formaat en wyse bepaal deur die
munisipaliteit; en
(b) dit aan die brandweerhoof tesame met die voorgeskrewe gelde voorlê
ten minste 30 dae voordat die magtiging deur die aansoeker benodig
word.
(3) Die brandweerhoof mag enige magtiging om met vuurwerke te handel
kanselleer indien die houer van die magtiging enige bepaling van hierdie
verordening oortree.
63. Beslaglegging op vuurwerke
(1) ‘n Lid van die diens mag enige vuurwerke wat deur hom gevind word in
stryd met artikel 61(1) in sy besit neem en sodanige vuurwerke moet mee
gehandel word ingevolge die betrokke gedeeltes van die Strafproseswet
met betrekking tot beslaglegging en weddoening.
HOOFSTUK 6 : SERTIFIKAAT VAN REGISTRASIE VIR GEBRUIK,
HANTERING EN OPBERGING VAN VLAMBARE STOWWE
64. Gebruik, hantering en opberging van vlambare stowwe verbode in
sekere omstandighede
(1) Onderhewig aan die bepalings van subartikel (3) mag geen persoon enige
vlambare stof op enige perseel gebruik, hanteer of opberg nie of toelaat dat
sodanige stof gebruik, hanteer of opgeberg word tensy sodanige persoon
die houer is van ‘n sertifikaat van registrasie ten opsigte van vlambare
stowwe en die perseel betrokke uitgereik deur die brandweerhoof.
(2) ‘n Sertifikaat van registrasie beoog in subartikel (1) word nie benodig nie
indien die vlambare stof betrokke van ‘n klas is en nie die hoeveelheid
aangedui in Bylae 2 oorskry nie.
(3) Geen persoon mag enige vlambare stof op enige perseel gebruik, hanteer
of opberg nie of toelaat dat sodanige stof gebruik, hanteer of opgeberg
word tensy die vlambare stof –
(a) gebruik, hanteer of opgeberg word op ‘n wyse wat verseker dat –
37