Nadere toegang nr. 61 - Gemeente Schiedam

NADERE TOEGANG 61
Iacopsz. saliger voerseidt enige moelestatie up quaeme, ter cause van den gevangenisse dat Ian
Heinricksz. voirn. in den iaere 21 of 22 lestleeden in Vranckrijcke tot Diepen gevangen was, dat als
dan die costen daer off comende sullen gedragen worden tot laste van den gemeenen buell. Des blijft
Machtelt voirseidt voir een vijerde paert int besidt haer leven lang gedurende van den huijse ende
eerve daer zij allthans inwoendt, staende up ten hoeck van die Hollstege. Ende dat achtervolgende
die testamentarie dispositie haer bij Heijnrick Iacopsz. haeren man saliger gemaickt alst blijckt bij
tinstrument daer off zijnde. Noch comt den selven voirn. vijer voorkinderen tvijerde paert vanden huijse
ende eerve all daer allthans in woenachtich is Zophia Borre weduwee wijlen Arent Borre saliger
gedachten, staende up ten hoeck van de Breestraet, ende dat nae toverlijden van Zophia voirseidt.
Noch comt die voirseide kinderen tvierde paert van de penningen vut eenen scepenen custingbrieff,
spreeckende tot anderen tijden upt huijs ende eerve van Cornelis Claeijs die moije smidt,
specificerende upt leech eerff, leggende up ten Dam tusschen Mr. Gillis Adriaensz. barbiers huijs ende
eerve an die westzijde ende die stege an die oostzijde. Noch heeft Machtelt voirseidt bewesen haere
vijer naekinderen, gewonnen bij Heinrick Iacopsz. voirseidt, als Pieter Heinricksz., Kunera, Meijnsgen
ende Cornelia Heinricks dochteren voir haere vaderlicke eerffpoortie, elcks der voirseiden kinde die
somme van acht hondert carolus guldens van 40 grooten Vlaemsch de gulden, welcke somme van
penningen voeren verhaelt Machtelt voirn. sal betalen als die voirseide kinderen gecomen sullen zijn
tot haeren mondigen dage ofte tot huwelicken staet, vutgesondert off eenich der voirseiden kinderen
storven eer zij gecomen zouden zijn tot den voirscr. staet, dat in dien gevalle Machtelt die
eerffgenaemen van den kinderen die voirn. penningen betaelen sall up vijer termijnen van iaeren. Des
salt besterven vanden eenen kinde up ten andere ende indien zij alle storven, up ten rechten eerven.
Noch zijn voirwairden dat in dien gevalle eenich der voirseiden kinderen huwelickten buijten wille ofte
consente van Machtelt voirseidt, dat als dan Machtelt voirscr. an die voirn. somme van penningen
dach van betaelinge hebben sall vijer termijnen van iaeren als voeren. Des sal Machtelt voirscr.
gehouden wesen Cornelia Heinricks dochter voirn. haere onmondige kindt tonderhouden tot zijnen
mondigen dage toe, cost, schuenen, cleederen ende anders zijne behouften geven alst behoirt,
onvermindert die somme voeren verhaelt. Ende heeft Machtelt voirn. dit verzeeckert up haer huijs
ende eerve voirn. daer zij nu ter tijt in woendt ende voorts generalick up alle dandere haere gueden,
gewonnen ende ongewonnen, gheen van dien vuitgesondert. Ende zijn hijer up vertegen nae den
rechte van den stede upten 14° Decembris bij den burgemeester Cornelis Iacopsz., scepenen
Cornelis Mathijsz. ende Tielman Oem Danielsz.
Nr. 107 folio 29 d.d. 22-12-1550.
Up huijden den 22° Decembris sijn veraccordeert Marijtgen Iacops dochter weduwee wijlen Gerrijt
Iacopsz. Blick saliger gedachten mit haer gecoren voichts handt in deser saicke Dirick Willemsz. ende
oick bij consente van Ewout Quirijnsz. alias man ende voicht van Marijtgen Gerrijts dochter haere
zwaegers, dat alsoe Marijtgen weduwee voirseidt haer geobligeert heeft gehadt te betaelen voir Pieter
Gerrijtsz. alias Blick haeren zoen, voer een somme toe bedragende van een ende vijftich carolus
guldens, dat tenden toverlijden van Marijtgen weduwee voirscr. die voirn. haere zwaegers ofte haere
kinderen voeren vut den selven buell die Marijtgen voirseidt mitter doot ruijmen sall elcks ontfangen
sullen gelijcke een ende vijftich guldens, all eer ende voeren Pieter Gerrijtsz. voern. in den selven
buell ontfangen sall worden. Des sullen die huwelixse voirwairden ofte contracten bij Gerrijt Iacopsz.
Blick saliger ofte bij Marijtgen voern. mit Pieter haeren zoen gemaickt inden iaere 45 lestleeden
achtervolgende tbesceidt bij notaris handen gescreven null ende van gheender waerden wesen nu
ende ten ewigen dagen. Des heeft Marijtgen voern. mit haer voochts handt als boven weeder omme
getranspoorteert ende overgedragen in handen van Pieter Gerrijtsz. haeren zoen, die gifte van zijnen
huijse ende eerve daer hij althans inwoent, staende up die Nijeustraet ende voirts generalicken ende
specialicken alle die andere zijne gueden, dwelcke zij up ten 27° Junij leestleeden ontfangen heeft,
dwelcke Marijtegn voirn. handen stonde tot verzeeckerheijt van zeeckere sculden daer Marijtgen haer
voeren geobligeert hadde te betalen, den burgemeesters Pieter Cornelisz. ende Cornelis Willemsz.,
die gifte overgegeven ten date voirseidt bij scepenen Iacop Danielsz. ende IJsbrandt Cornelisz.
Nr. 108 folio 29v. d.d. 38-01-1551.
Anno een ende vijftich stilo corie.
Liedewij Ioris dochter weduwee wijlen Mees Ewoutsz. sceeptimmerman saliger gedachten heeft
bewesen die twee voirkinderen achtergelaeten van Mees voirseidt (als Marijtgen ende Barbara Mees
dochteren) ter cause van haere patrimonium, die somme van tsestich carolus guldens van 40 grooten
Vlaemsch de gulden, vrij gelt onder hem beijden, te betaelen tot sinte Maertijns missedage anno vijer
ende vijftich eerstcomende ses carolus guldens ende noch negen sinte Maertijns missedagen daeran
volgende telcken termijne ses dijer gelijcke guldens. Twelcke voirgaende is gesciedt bij consente ende
wille van Dirick Heinricksz. als grootevaeder der voirscr. kinderen. Noch heeft die weduwee voirseidt
bewesen hare twee weeskinderen achtergebleven van Mees voirn. (als Rochus Meesz. ende