Nadere toegang nr. 61 - Gemeente Schiedam

More documents

Recommendations

Info

$De reacties van de fracties - Gemeente Schiedam$

NADERE TOEGANG 61 die somme voern. Des salt sterven vanden eenen kinde up ten anderen ende ingevalle zij beijde storven eer zij gecomen souden zijn tot haeren mondigen dagen ofte huwelicke staet oft anders, soe sullen die voirseide 12 £ groot Vlaems besterven up Maertijn voirn. ende nijet up die eerffgenamen van smoeders zijde. Ende als die voirscr. kinderen gecomen sullen zijn tot huwelicke staet soe sall Maertijn voirseidt gehouden wesen elcken kinde up haer bruijdtstuell te geven ende dat nae vut wijsen zijnen staet. Ende dit heeft Maertijn voirseidt verseecekert up zijn huijs ende eerve daer hij allthans inwoent, staende over die Hoele bij de Ouderschie Poort tusschen Arent Zweersz. huijs ende eerve an die oostzijde ende Ian Iacopsz. alias Konijntgen huijs ende eerve an die westzijde ende voorts generalick up alle zijn guedt, gewonnen ende ongewonnen. Ende is gesciedt ter presentie ende bij consente van Arent Zweersz. als oem ende voicht der voirseide kinderen, mits oick consente van Iacop Zweersz. beijde oemers van smoeders zijde der voern kinderen. Ende zijn hijer up vertegen nae den rechte van den stede upten 2° dach in Augusto bij den burgemeester Elandt Adriaensz., scepenen Harman Heinricksz. ende Pieter Adriaensz. Nr. 120 folio 32v. d.d. 08-11-1551. Katherijna Pieters dochter weduwee wijlen dburgemeester Vranck Pietersz. saliger gedachten heeft bewesen (bij consente van Willem Cornelisz. van Mulick van Rotterdam als man ende voicht van Katharijna Vranckendr., dschoudt Willem Melchiorsz. als man ende voicht van Zophia Vranckendr. ende Jacop Mathijsz. als man ende voicht van Margriete Vrancken dochter), Pieter Vrancken, Elizabeth Vranckendr. ende Geertruijt Vranckendr., elck der voirseiden kinde ses hondert carolus guldens van 40 grooten Vlaems de gulden off paeijemente dijer waerde, vut saicke van haer patrimonium. Te betaelen als die voirscr. kinderen gecomen sullen zijn tot den huwelicke staet, mit voirwaerden dat die weduwee voirseidt gehouden sall wesen Geertruijdt Vranckendr. haer onmondige kindt voirn. te onderhouden tot haeren mondigen dagen toe, cost, schuenen ende cleederen geven alst behoirt onvermindert die somme voeren verhaelt. Des salt sterven van den eenen kinde up ten anderen ende ingevalle zij alle storven upte rechten eerffgenamen nae trecht des stede. Ende zijn hijer up vertegen nae den rechte van den stede up ten 8° Novembris bij den burgemeester Elandt Adriaensz., scepenen Adriaen Iansz. ende Pieter Adriaensz. Nr. 121 folio 32v. d.d. 16-11-1551. Anna Zijmons dochter weduwee wijlen Pieter Iansz. tuegenaemt Pieter Baeijsz. saliger gedachten heeft bewesen haer twee onmondige kinderen achtergebleven van Pieter voirseijdt (als Evert Pietersz. ende Neeltgen Pieters dochter) ende dat vut saicke van haerluijden patrimonium. In de eersten bewijst Anna voirseijdt Evert voirn. een somme van twaeleff carolus gulden van 40 groot de gulden, te betaelen up twee termijnen van iaeren tenden dat hij gecomen sal zijn tot zijne mondige dagen ofte huwelicke staet. Ten tweeden soe bewijst Anna voirseijdt Neeltgen haer dochter voirseijdt een somme van ses ende dertich der voirseijde guldens, te betaelen als zij gecomen sall zijn tot haeren mondigen dagen ofte huwelicke staet up drie termijnen van iaeren, telcken iaere 12 der voirseide guldens. Des sal die weduwee voirnt haere voern twee onmondige kinderen gehouden zijn tonderhouden tot haeren mondigen dagen toe, cost, schuenen ende cleederen geven nae haere vermoegen als tselve behoirt onvermindert elcks zijn eerffportie voeren verhaelt. Mit voirwairden dat in dien een der voirscr. kinderen storven binnen haeren mondigen dagen soe salt sterven van den eenen kinde up ten anderen. Ende in gevalle zij beijde storven, soe sal henluijden portie der eerffenisse voirseijdt besterven die een helft up die moeder voirscr. ende dander helft up ten rechten eerven van svaeders zijde ende ingevalle van dien dat die weduwee voirnt. dselve voirscr. eerffenisse vut keeren sal up gelijcke iaeren als boven. Twelcke zij verseeckert ende geijpotiqueert heeft generalick up alle haere gueden, gewonnen ende ongewonnen, gheen van dien vutgesondert. Actum ter presentie ende bij consente van Willem Iansz. van den Brielle als man ende voicht van Neeltgen Iacopsdr. als wesende een broeders kint van den vaeder der kinderen voirseijdt. Ende oick bij consente van Marijtgen Iacopsdr. mit hair voichts handt in desen saicke Willem Iansz. haeren zwaeger voirseijdt als oick een broeders kindt van den vaeder der voirscr. kinderen. Ende zijn hijer up vertegen nae trecht van den stede up ten 16° Novembris bij den burgemeester Elandt Adriaensz., scepenen Harman Heinricksz. ende IJsbrandt Cornelisz. Nr. 122 folio 33 d.d. 02-12-1551. Anna Ioris dochter weduwee wijlen Willem Tielmansz. riedtdecker saliger gedachten heeft bewesen des voirseide Willems drie weeskinderen van hem ende Neeltgen Diricks dochter zijn huijsvrou saliger achtergebleven (als Dirick Willemsz., Willempgen ende Neeltgen Willems dochteren) ter cause ende vut saicke haerluijden patrimonium die somme van derthien pondt thien schelling groot Vlaemsch. Welcke voirscr. penningen die voirseide weeskinderen ontfangen sullen vut eenen scepenen custingbrieff spreeckende up eenen Pieter Heinricksz. smidt in date den 1° Octobris 1500 vijftich, specificerende upt huijs ende eerve staende in die Crepelstraet daer althans in woendt Jacop Iansz. alias Ouwitgens zoen, noch inhoudende die somme van 35 £ 13 schelling 4 penningen groot Vlaems,
NADERE TOEGANG 61 welcke somme voeren verhaelt die voirseide weeskinderen ontfangen sullen up een pondt groot Vlaems tsiaers, daer teerste iaer off verschijnen sal up Martini anno twee ende vijftich naestcomende ende soe voert van iaere tot iaere toe ter volder voirscr. betaelinge toe. Actum ter presentie ende bij consente van Matheus Pietersz. van Noirtwijck als schoenoem der voirscr. weeskinderen van svaerders zijde ende oick bij consente van Maertijn Diricksz. stierman als schoenoem der voirscr. weeskinderen van smoeder zijde. Ende zijn hijer up vertegen naeden rechte van den stede bij den burgemeesters Cornelis Willemsz. ende Elandt Adriaensz., bij scepenen Jacop Mathijsz. ende Arent Pietersz. den 2° December. Nr. 123 folio 33v. d.d. 15-01-1552. Anno 52 stilo corie. In manieren ende voirwairden hijer nae verclaert soe zijn veraccordeert Marijtgen Heinricks dochter weduwee wijlen Hubrecht Willemsz. saliger gedachten mit haer gecoren voichts handt in deser saicke Jan Adriaensz. stadtboede ter eenre ende Pouwels Adriaensz. tuegenaemt tSotgen als man ende voicht van Geertruijdt Willems dochter, Cornelis Willemsz. van Rotterdam als man ende voicht van Adriana Willems dochter, Willem, Quirijn, Ian ende Rochus Gerrijts zoenen, Cornelis Quirijnsz. als man ende voicht van Marijtgen Gerrijtsdr. ende Jan Dominicusz. als man ende voicht van Arien Diricksdr., alle eerffgenaemen in die achtergelaeten gueden van Hubrecht Willemsz. saliger voirseidt achtergebleven ter andere zijde ende dat bij maniere van accordt ende submissie van zeeckere arbiters als heer Ian Meijer cappelaen der stede van Schiedamme, die schoudt Willem Melchiorsz., Jacop Mathijsz., Gerrijt Pietersz. Visch ende Mr. Ian Florisz. organist ende notaris publijck up ten 30° Decembris lestleeden vut gesproecken ende dat boven die testamentaire dispositie bij Hubrecht voirseidt ende zijnen huijsvrouwee voirscr. gemaict. In den eersten dat die voirseide eerffgenaemen ontfangen sullen, achtervolgende tselve testament een somme van twintich pont grooten Vlaemsch ende alle die achtergelaeten clederen ten lijve van Hubrecht voirseit dienende (vut gereserveert zijn dagelixsen tabbert mit een oudt wambaeijs ende een oudt paer coussen) dwelcke om Goods willen gegeven zijn. Des sullen die eerffgenaemen voirseidt gehouden zijn tGasthuijs all hijer te betaelen van haere rechten nopende trecht vant beste cleedt van den overleeden. Voorts sullen zij noch hebben alsulcke percelen van landt leggende in Oude Matenesse mit alsulcke laste daer up staende als hemluijden angecomen ende bestorven zijn van haerluijden moeijtges als Marijtgen, Wennetgen ende Martijna Maertijns dochteren saliger gedachten. Des beloeven zij gesaemender handt die voirscr. weduwee ofte haeren eerven vant landt voirscr. te vrijen nu ende ten ewigen dagen. Noch sullen die voirscr. eerffgenaemen iaerlicks ontfangen achtalff groot Vlaems, staende upt huijs ende eerve in die Goijstraet daer all thans oude Cornelis Iorisz. in woenachtich is. Noch sullen die voirseide eerven daer en boven hebben tot een gratuijwiteijt om vreedes wille, een somme van acht ende dertich carolus guldens van 40 grooten Vlaems de gulden, gereets gelts, wair mede zij sullen alte saemen gecontenteert zijn nu ende ten ewigen dagen van de weduwee voirnt. Beloevende mits desen die voirscr. eerffgenaemen die voirseide weduwee ofte haeren eerven ende naecomelingen ter cause van de voirseide eerffenisse ofte besterffenisse ongemoelesteert te laeten elcks bisondere up te verboerte van haer eerffportie, twelcke altijts sal staen tot discretie ende moederatie der voirscr. arbiters. Ende zijn hijer up vertegen nae den rechte van den stede (mits dat Quirijn Gerrijtsz. voirseit vervanget zijn broeder Willem Gerrijtsz. voirscr. ende zijn zwaeger Cornelis Quirijnsz. voirseidt). Upten 15° Ianuarij bij scepenen Jacop Mathijsz. ende Pieter Adriaensz. Nr. 124 folio 34 d.d. 10-02-1552. Steffenije Heijmans dochter weduwee wijlen Anthonis Iacopsz. saliger gedachten heeft bewesen Neeltgen Anthonis dochter achtergebleven voir weeskindt van Anthonis voirseidt ende Arien Heinricksdr. zijn huijsvrou saliger gedachten, boven die bewijsinge bij haeren man saliger voirseidt in den iaere 47 lest leeden bewesen ter somme toe van ses carolus guldens van 40 grooten Vlaems de gulden. Te betaelen tot ses sinte Maertijns missedagen eerstcomende telcken termijne drie der voirscr. guldens ende dat vut saicke des voirscr. kinde patrimonium. Ende nopende die voirscr. ses carolus guldens des voirseijden kindes matrimonium voeren verhaelt, sal die voirseide weduwee betaelen up drie sinte Maertijns missedagen tenden die voirscr. termijnen van betaelinge up twee der voirscr. guldens siaers. Mit voirwairden dat in gevalle tvoirn. kindt storve alleer die voirscr. dagen van den betaelinge ommegecomen waeren, dat als dan die onbetaelde iaeren noch resterende sullen comen eerven ende succederen anden rechten eerven van smoeders zijde des voirscr. weeskinde. Twelcke die weduwee voirscr. verseeckert ende geijpotiqueert heeft generalick up alle haer guedt, gewonnen ende ongewonnen, roerende ende onroerende, gheen van dien vutgesondert soe waer die gelegen moegen zijn. Ende is tselve gesciedt ter presentie ende bij consente van Iacop Heinricksz. als groote vaeder des voirseiden kinde ende Adriaen Heinricksz. stierman ende Dirick Iacopsz. als oemers des voirscr. kinde mit oick Dirick Ian Cocksz. als oick oems kindt van den voirscr. kinde. Nr. 125 folio 34 d.d. 10-02-1552.
Page 1 and 2: O U D R E C H T E L I J K A R C H I
Page 3 and 4: NADERE TOEGANG 61 wijlen Neeltgen I
Page 5 and 6: NADERE TOEGANG 61 voirn. weduwe qui
Page 7 and 8: NADERE TOEGANG 61 voechden haer gra
Page 9 and 10: NADERE TOEGANG 61 van 11½ stuiver
Page 11 and 12: NADERE TOEGANG 61 Nr. 29 folio 10 d
Page 13 and 14: NADERE TOEGANG 61 snijder in date 1
Page 15 and 16: NADERE TOEGANG 61 ongehijlict ofte
Page 17 and 18: NADERE TOEGANG 61 saliger als geset
Page 19 and 20: NADERE TOEGANG 61 saemen sullen bet
Page 21 and 22: NADERE TOEGANG 61 Nr. 66 folio 20 d
Page 23 and 24: NADERE TOEGANG 61 sullen zij te sae
Page 25 and 26: NADERE TOEGANG 61 competeert siaers
Page 27 and 28: NADERE TOEGANG 61 penning metten ee
Page 29 and 30: NADERE TOEGANG 61 der voirseiden ki
Page 31 and 32: NADERE TOEGANG 61 Neeltgen Meesdr.)
Page 33: NADERE TOEGANG 61 storven binnen zi
Page 37 and 38: NADERE TOEGANG 61 Hijer up ontfange
Page 39 and 40: NADERE TOEGANG 61 inhoudende twee p
Page 41 and 42: NADERE TOEGANG 61 desen werlt overl
Page 43 and 44: NADERE TOEGANG 61 betaelen drie der
Page 45 and 46: NADERE TOEGANG 61 ende zijne huijsv
Page 47 and 48: NADERE TOEGANG 61 specificerende up
Page 49 and 50: NADERE TOEGANG 61 Iacopsz. oudt 13
Page 51 and 52: NADERE TOEGANG 61 huijs ende eerve
Page 53 and 54: NADERE TOEGANG 61 an die westzijde
Page 55 and 56: NADERE TOEGANG 61 Barthoudt Joosten
Page 57 and 58: NADERE TOEGANG 61 Gerrijt Claesz. s
Page 59 and 60: NADERE TOEGANG 61 Maertijn Jansz. s
Page 61 and 62: NADERE TOEGANG 61 Cornelis Pietersz
Page 63 and 64: NADERE TOEGANG 61 Joris - alias jon
Page 65 and 66: Jacob - koster 207 Jan 25-29-155-20
Page 67 and 68: Gorisz. Dirk 178 Pieter 178 Goudt J
Page 69 and 70: NADERE TOEGANG 61 Hillegonda 179 Ca
Page 71 and 72: Gerrit - van Leerdam 162 Gillis - s
Page 73 and 74: Magdalena 228 Maria 97 Maritgen 3-3
Page 75 and 76: NADERE TOEGANG 61 Pieter - alias Pa
Page 77 and 78: NADERE TOEGANG 61 Melchiorsz. Wille
Page 79 and 80: Pieter - van der Burch schepen 82-1
Page 81 and 82: NADERE TOEGANG 61 Visch Gerrit Piet
Page 83 and 84: Haarlem 201-237 Jerusalem 237 Jutfa
Page 85:
NADERE TOEGANG 61 Metselaar 37-171-
show all

Nadere toegang nr. 61 - Gemeente Schiedam

Create successful ePaper yourself

Delete template?

Save as template?