Nadere toegang nr. 61 - Gemeente Schiedam

NADERE TOEGANG 61
Lenart Adriaensz. Zuijrbier als man ende voicht van Iannetgen Pieters dochter, Quirijn Arijsz. stierman
als man ende voicht van Marijtgen Pieters dochter, Willem Pietersz. als man ende voicht van Sijtgen
Ioris dochter, Claeijs Pietersz., mits vervangende Pieter Cornelisz. als man ende voicht van Leentgen
Pietersz., mits oick Adriaen Pietersz., alle eerffgenamen in die achtergelaeten gueden van wijlen
Pieter Heinricksz. saliger voirseidt ter andere zijde. Mit alsulcke voirwaerden hijer nae verclaert dat
eerst ende all voeren die gereede penningen die Ian Woutersz. geven sall upt vercofte huijs bij hem
van de voirseide weduwee ende eerffgenaemen gecoft, bedragende ter somme toe van vijer pondt
groot Vlaems, mits oick den dach die verschijnen sal tot sinte Maertijns missedage eerst comende,
bedragende tot dijer gelijcke somme voeren verhaelt gaen in prouffijte van den selven buell om die
schulden daer den buell mede belast is te betaelen ende vant surplus noch bedragende 82 pondt
groot Vlaems sal die weduwee voirseidt voeren off ontfangen die somme van hondert carolus guldens,
te betaelen tot sinte Maertijns missedagen annis 52, 53, 54, 55 naestcomende telcken termijne 24 der
voirscr. guldens ende anno 56 vijer carolus guldens. Ende die reste als dan noch an den custingbrieff
resterende, bedragende ter somme toe van 45 £ 6 schelling 8 penningen groot Vlaems, sullen
ontfangen die weduwee voirseidt mit die eerffgenaemen voirscr. halff ende halff. Dus comt die
weduwee voirn. ende eerffgenaemen voirscr. elcks 32 £ 13 schelling 4 penningen groot Vlaems, te
betaelen up twee £ groot tsiaers. Sijn noch voirwairden dat indien posten meer schulden den voirn.
buelll up quaeme nae date van desen, dat die weduwee voirseidt mit den voirscr. eerffgenaemen
sullen sculdich wesen dselve sculden te betaelen halff ende halff. Ende zijn hijer up vertegen nae den
rechte van den stede upten 16° Meije, bij scepenen Adriaen Iansz. ende Harman Heinricksz.
Nr. 114 folio 30v. d.d. 27-05-1551.
Up huijden den 27° Meije soe heeft Anthonis Willemsz. vut den naem ende van wegen Mathijs
Iacopsz. achtergebleven weeskindt van wijlen Anna Anthonis dochter saliger gedachten, rekeninge,
bewijs ende reliqua gedaen van zijn moederlicke eerffenisse van den iaere vijftich lestleeden nae vut
wijsen tvoergaende scrift in een quogierken verthoent ende rekeninge daer vut gedaen. Soe is bij slot
van rekeninge bevonden dat Anthonis voirseidt van dese iegenwoirdige rekeninge ten afteren comt
die somme van 38 carolus guldens 12½ stuivers een deut. Ende zijn hijer up vertegen nae den rechte
van den stede van zijnen vader Iacop Mathijsz. Des heeft Iacop voirscr. onder hem rustende eenen
custingbrieff houdende op Doe Beijesz. woeninck, daer noch resteert te betaelen seven hondert
carolus guldens, wair vut tweeskint voirscr. comt die helft, mit zeeckere drie artikelen in voirscr.
quogierken int andere blat nae dese rekeninge volgende. Des sullen tweeskindt voirseit mit zijnen
vaeder voirn. gehouden zijn te betaelen heer Adriaen van Matenesse ende den burgemeester Dirick
Duijst Heinricksz. van Delft, tselve wes henluijden competeert vant ambocht van Nijeu Matenesse.
Actum bij den burgemeesters Cornelis Willemsz. ende Elandt Adriaensz., scepenen omnes preater
Arent Pietersz.
Nr. 115 folio 31 d.d. 03-06-1551.
Anna Adriaens dochter weduwee wijlen Iacop Iacopsz. stierman saliger gedachten heeft bewesen
haer onmondige kindt Agatha Iacopsdr., achtergebleven weeskindt van Iacop Iacopsz. saliger
voirseidt, voer haer patrimonium die somme van ses ende dertich carolus guldens van 40 grooten
Vlaemsch de gulden. Te betalen als tvoirscr. kindt gecomen sal zijn tot zijn mondigen dagen ofte
huwelicke staet up twaeleff der voirscr. guldens tsiaers. Des sal die weduwee voirn. gehouden wesen
tvoern. haere kindt te houden tot zijnen mondigen dagen toe, cost schuenen, cleederen ende anders
zijne behouften geven onvermindert thooftgelt voirseidt, soe verde die voern. weduwee in levende lijve
waere. Ende tot wat tijden tvoirscr. kindt gecomen sal zijn tot zijnen mondigen dagen ofte huwelicke
staet, soe sall die weduwee voirseit gehouden zijn haer kindt te cleeden ende reeden nae vut wijsen
haeren staet. Ende indien tvoirn. kindt storven binnen zijnen mondigen dagen, dat alsdan die een helft
der voirseide somme besterven sal up die moeder van den kinde voerseidt ende dander helft upten
rechten eerffgenamen van den voirscr. kinde. Welcke eerffenisse in dien gevalle als dan anbestorven
wesende den eerffgenaemen van den voirseiden kinde, sal die voirseide weduwee ofte haeren eerven
gehouden zijn den erffgenaemen van haeren kinde vut te reijcken haere eerffenisse up drie iaeren
nae den overlijden van den kinde voirscr. telcken iaere ses carolus guldens. Actum ter presentie ende
bij consent van Rochus Iacopsz. stierman als oem van svaders zijde van den voirn. kinde. Ende zijn
hijer up vertegen nae den rechte van den stede upten 3° Junij bij den burgemeesters Cornelis
Willemsz. ende Elandt Ariensz., scepenen Arent Pietersz., Pieter Adriaensz. ende Due Beijesz.
Nr. 116 folio 31 d.d. 01-02-1552. (kanttekening).
Up huijden den 1° Februarij 1500 twee ende vijftich nae gemeen scriven, soe heeft Anna voirseidt bij
consent van haeren man Ian Harmansz. toegenaemt Ian Claeijsz. bewesen tvoirn. weeskindt in desen
text begrepen, boven dese bewijsinge noch een somme van vier ende twintich carolus gulden, te
betaelen up vier termijnen van iaeren tenden die voirscr. bewisinge, up een £ groot tisaers alst voirscr.
kindt tot zijnen mondigen dagen ofte huwelicke staet gecomen sal zijn ende in gevall tselve kint