Nadere toegang nr. 61 - Gemeente Schiedam
Nadere toegang nr. 61 - Gemeente Schiedam
Nadere toegang nr. 61 - Gemeente Schiedam
Create successful ePaper yourself
Turn your PDF publications into a flip-book with our unique Google optimized e-Paper software.
NADERE TOEGANG <strong>61</strong><br />
sulcks daer up vertegen nae den rechte van den stede ter presentie van scepenen Geelandt<br />
Dammaesz. ende Pieter Adriaensz.<br />
Nr. 157 folio 39v. d.d. 13-04-1553.<br />
Hughe Adriaensz. tuegenaemt Mr. Huijch van Eijnde heeft bewesen zijn twee onmondige kinderen<br />
(als Adriaen ende Cornelis Hugen zoenen) achter gebleven was kinderen van wijlen Adriana<br />
Cornelisdr. zijnen huijsvrouwee was saliger gedachten, vuijt saicke van haere matrimonium elcks der<br />
voirseide kinde vijff pondt groot Vlaemsch. Te betaelen als elck der voirscr. kinde gecomen sal zijn tot<br />
huwelicke staet een pondt groot Vlaems gereedt ende die reste der voirseide somme up twee iaeren<br />
dagen nae elck zijnen huwelick dach. Des sal Hughe voirseidt gehouden wesen zijne voirscr. twee<br />
kinderen te houden tot haere mondigen dagen toe, cost, schuenen, cleederen ende anders haere<br />
behouften geven als dat behoirt, onvermindert tvoirscr. hoofgelt. Mits dien dat hij zijne voirscr.<br />
kinderen noch gehouden sal zijn een ambacht te leren als van hoeck ende compas maicken, mits al<br />
daer an clevenden ofte tselve dat hij om handen heeft soe verde die voirseide kinderen bij haeren<br />
voirscr. vaeder bliven. Ende tot wat tijden dat een ijegelick der voirseide kinde gecomen sal zijn tot<br />
huwelicke staet, dat als dan Hughe voirseidt gehouden sal wesen den selven voirscr. kinde eerlicken<br />
van hem te setten van cleederen ende anders tot zijne lijve dienende nae vuijt wijsen zijnen staet des<br />
vermach. Des sal sterven van den eenen kinde upten anderen ende indien zij beijde sterven upten<br />
rechten eerven, twelck Huijch voirnt verseeckert ende geijpotiqueert heeft generalick up alle zijn<br />
guedt, gewonnen ende ongewonnen gheen van dien vuijtgesondert. Ende is tselve gesciedt bij<br />
consente ende wille van Reijmbrandt Cornelisz. als oem van smoeders zijde der voirscr. kinderen.<br />
Ende zijn hijer up vertegen nae den rechte van den stede upten 13° Aprilis 53 bij den burgemeester<br />
Jacop Danielsz., scepenen Geelandt Dammaesz. ende Pieter Adriaensz.<br />
Nr. 158 folio 39v. d.d. 22-08-1564 (kanttekening).<br />
Cornelis Huijgensz. heeft op den 22° Augustij 1564 bekent voldaen te zijn van tinhouden van desen<br />
ende dat van Adriana Dircksdr. achtergelaeten weduwe van de voorsz. Mr. Huijch, ter presentie van<br />
Thielman Oem Danielsz. weesmeester.<br />
Nr. 159 folio 39v. d.d. 03-01-1560 (kanttekening).<br />
Betaelt Trijntge Arijensdr. thien karolus gulden van 40 groten Vlaems tstuck als weduwe van den<br />
voirn. Adriaen, den 3° Januarij anno 1560 van der voirsz. gueden.<br />
Nr. 160 folio 39v. d.d. 27-05-1559 (kanttekening).<br />
Betaelt Cornelis Huijgensz. een £ groot, den 27° Maij anno 1559.<br />
Nr. 1<strong>61</strong> folio 39v. d.d. 31-01-1563 (kanttekening).<br />
Op huijden den lesten Januarij anno 1563 stilo corie heeft Crijntgen Ariensdr. wedu wijlen Arijen<br />
Huijghensz. saliger gedachten bekent van tinhouden desen betaelt te zijn, den eersten metten lesten.<br />
Nr. 162 folio 39v. d.d. 25-04-1553.<br />
In maniere hijer nae verclaert soe heeft Dirick Iacopsz. toegenaemt Dirick Iaepen veraccordeert mit<br />
Gerrijt Iansz. zijnen neve wonende tot Leerdam als een broeders kint ende eerffgenaem wesende van<br />
wijlen Aeltgen Gerrijtsdr. des voirscr. Dirick Iacopsz. huijsvrou was saliger gedachten, dat zij van als<br />
genoech veraccordeert zijn van alle die moebele gueden in den selven buell naet overlijden van<br />
Aeltgen saliger voirnt. bevonden, mit expresse voirwairden dat Dirick Iacopsz. voirseidt sal betaelen<br />
sculdt ende onsculdt in den selven buel bevonden. Des sal Dirick voirnt. betaelen Gerrijt Iansz.<br />
voirseidt daer en buijten een somme van hondert 26 carolus guldens van 40 grooten Vlaems de<br />
gulden. Te betaelen tot sinte Maertijns missedagen anno 54 eerstcomende ses der voirscr. guldens<br />
ende noch twintich sinte Maertijns missedagen daer an volgende telcken termijne ses der selver<br />
gulden, verseeckert upt huijs ende eerve staende an den Achterwech daer hij althans in woenachtich<br />
is ende daer van gepasseert dach Aprilis bij scepenen Jacop Mathijsz. ende Pieter Adriaensz.<br />
Nr. 163 folio 40 d.d. 27-06-1553.<br />
Willem Jacopsz. tuegenaemt Willem Boonsz. heeft bewesen zijne drie kinderen (als Cornelis ende Iob<br />
Willemsz. wonende tot Vlissingen ende Adriana Willemsdr. wonende ter Veere, mitsgaeders Cornelis<br />
Anthonisz. ende Jan Anthonisz. weeskindt achtergebleven van Anthonis Cornelisz. saliger<br />
gedachten), alle eerffgenaemen in die achtergelaeten gueden van wijlen Adriana Claeijsdr. saliger<br />
memorie. In den eersten sullen Cornelis ende Iob Willems zoenen hebben vuijt saicke van haere<br />
matrimonium elcks een somme van vijff pondt groot Vlaems, te betaelen up vijff sinte Martijns<br />
missedagen eerstcomende telcken termijnen elck der voirsz. eerffgenaemen een pondt groot Vlaems.<br />
Des sal hebben Adriana Willems dochter voirseidt vuijt saicke van haere matrimonium een somme<br />
van 30 carolus guldens, waer off zij ontfangen sal drie der voirscr. guldens gereedt ende noch vier<br />
sinte Maertijns missedagen naestcomende telcken termijne ses der voirscr. guldens ende sinte<br />
Maertijns misse daer an volgende drie der selver guldens. Ten derden ende ten laetsten sullen<br />
Cornelis ende Jan Anthonis zoenen ontfangen vuijt saicke van haere eerffenisse van haer<br />
grootmoeder voirnt. anbestorven wesende een gelijcke somme van dertich der voirseide guldens, te