Rondom bestand van 2005 22-1 dd 7-12-10 - Zoeken Beheer

Van meitied
In mei verwisselden de boerenknechten en -
meiden vake van dienst. Ze maakten ofspraken
met de ni-je baas en as garantie gaf de boer dan
een rieksdaalder. Zo wun de boer een knecht. Dit
heetten winkoop. As de knecht of meid van de
dienst ofzag mos die winkoop terugge betaald
worden. "Meitied-trouwtied" Huwelijken
worden vrogger ok vake in mei esleuten. Iene
van de redenen was dat de deile en de stal mooi
schone waren en de brulfte dus thuus eholden
kon worden.
Hemelvoartsdag
Een vri-je dag veur jong en old. De sportief-sten
gungen 's morgens vrög dauwtrappen en verder
was 't een "nationale fietsdag". D'r was argens
een concours hippique of een voetbaltoernooi en
's oamds trad er soms een gezelschap op in de
openlucht (Gien popconcert maar de Boerties
van Buten met Gait Jan Kruudmoes, of de
Wama's). Toen men later in
't bezit was van een auto worden er etoerd.
Dominees pasten de preke an um 's middags
op tied te kunnen deelnemen an een ster- of
orienteringsrit.
Woar gebeurd
Een boer was an 't grösmeien met de mesine.
Hi-j markte dat e kort langs een sloot een
fazante eraakt had. Het dier mos 't met de
dood bekopen. Zien nöst met 13 eier lag er
onbeschadigd bi-j. Snel deud de boer de eier in
zien pette en gung d'r met noar zien buurman
die een broedstofie had. 't Was een geluk dat
de eier direct eplaatst konden worden. Noa
drie dagen kwamen alle 13 fazanties uut. Ze
waren goed gezond en leefden nog lang en
gelukkig!
Lentepoëzie
Hadden de mensen vrogger eigenlijk wel tied
um echt van de lente te genieten? Het lag in
ieder geval niet an de dichters van de talloze
lenteliedties die wi-j in oonze jeugd op schoele
leerden. In alle talen en toonaarden is de lente
en in 't bijzunder de meimoand bezun-gen. D'r
speult oons nog steeds een heel bekend
nummer deur 't heufd, dat over ezet in de
streektaal as volgt luudt: As de winter vlucht
veur de lentelucht, en de zunne 't ni-je leven
wekt, as een bloesemkroon met heur teder
schoon in de hof de naakte twiegen dekt, dan
zingt al wat leeft en zingen kan verblied: Wees
gegroet volschone lentetiedl
Ja, oons harte gluit,
nou 't vioeltie bluit
en oons 't madeliefie tegenlacht
En met bliede klaank
brengt wi-j oonze daank
veur de zunneglaans en bloemenpracht.
Zo weerklinkt oons vrolijk lied dan wied en
zied: Wees gegroet volschone lentetiedl
25