“ИННОВАЦЫГ ХӨГЖҮҮЛЭХ ҮЙЛ АЖИЛЛАГААГ ДЭМЖДЭГ ҮНДЭСНИЙ ТОГТОЛЦООНЫ ЖИШИГ ЗАГВАР БОЛОВСРУУЛАХ НЬ”

хэлбэрээр илэрхийлсэн загварыг “Тохиргоотой угсардаг системийн загвар” гэх бөгөөд
уг загвар нь судалгааны хүрээнд бий болгохоор зорьж буй тогтолцооны суурь болох
юм.
Зураг 1. Хэвийн үйл ажиллагаатай системийн “ТУС” загвар
2. Асуудал тодорхойлох ажлыг гүйцэтгэсэн арга
Боловсруулсан судлаач М.Содбилэг
Монгол Улсын хэмжээнд мөрдөгдөж буй хууль, дүрэм, журмын хүрээнд инновацыг
хөгжүүлэх үйл ажиллагааг дэмжихэд тулгамдаж буй асуудлуудыг тодорхойлохдоо
2012-2022 оны хооронд хийгдсэн судалгааны тайлан, нийтлэл, өгүүлэл, хуулийн
төслийг ашиглан асуудлуудын жагсаалтыг боловсруулан гаргаж түүнийг ангилах
замаар хамгийн их давтагдсан асуудлуудыг тодорхойлсон.
3. Гарааны компаниудад тулгарч буй асуудлуудыг тодорхойлсон аргачлал
Боловсруулсан судлаач Г.Уянга
Хууль, тогтоомжийн зохицуулалтаас үүдэлтэйгээр гарааны компаниудад
тулгарч буй асуудлыг тодорхойлохдоо анкетын судалгааны аргыг ашиглав. Анкетийн
судалгаа нь нээлттэй, хаалттай, холимог хэлбэрийн 19 асуултаас бүрдэж байсан
бөгөөд нийт олонлогийн 10 хувиас багагүй төлөөллийг хамруулсан болно. Судалгааны
мэдээллийг ковидын үеийн нөхцөл байдал, оролцогчдын хүсэлтэд үндэслэн цахим
болон цаасан хэлбэрээс сонголт хийх боломжтой байхаар төлөвлөж, мэдээллийг
таниулсан зөвшөөрөл авах замаар цуглуулж үр дүнг нэгтгэсэн болно.
4. Улс орнуудын туршлагын мэдээлэл цуглуулсан аргачлал
Боловсруулсан судлаач Г.Уянга
Инновацын хөгжлийн индексээр тэргүүлж буй улс орнуудаас газар зүйн
байршил, инновацын тогтолцооны онцлогийг гол үндэслэл болгон АНУ, Швед,
Сингапур, БНСУ, Израил гэсэн улсыг сонгов. Эдгээр улсын туршлагын мэдээллийг
цуглуулахдаа тухайн улсын холбогдох байгууллагын албан ёсны мэдээллийн сайт,
инновацыг хөгжүүлэх үйл ажиллагааг уялдуулсан, зохицуулсан хууль, бодлогын
25