“ИННОВАЦЫГ ХӨГЖҮҮЛЭХ ҮЙЛ АЖИЛЛАГААГ ДЭМЖДЭГ ҮНДЭСНИЙ ТОГТОЛЦООНЫ ЖИШИГ ЗАГВАР БОЛОВСРУУЛАХ НЬ”

Израил улсын туршлага
1. Ерөнхий мэдээлэл:
1. Нийт хүн амын тоо: 9,454,940
2. Инновацын индекс: : 53.4 оноотой, дэлхийд 15-т
3. Дундаж наслалт: 82.1
4. Дундаж орлогын хэмжээ -$, он: 3622 $ /2021 оны 9-р сарын байдлаар/
5. Нэг хүнд ногдох ДНБ -$: 36563 $ /2021 оны 12-р сарын 16-ны байдлаар/
2. Тухайн тогтолцооны үйл ажиллагааг зохицуулж буй гол эрх зүйн баримт
бичгийн нэр/холбоос:
Одооны тогтолцоог бүрдүүлсэн анхны эрх зүйн баримт бичиг 1984 онд “Encouragement
of Industrial Research and Development Law” буюу Үйлдвэрлэлийн судалгаа
болон хөгжлийг дэмжих хууль нэртэйгээр батлагдсан. Үүнээс хойш маш олон нэмэлт
өөрчлөлт оруулсан бөгөөд 2016 оны 1-р сарын 1-ний өдөр томоохон нэмэлт өөрчлөлт
оруулж баталсан тухайн хуулийн хүрээнд “Office of Chief Scientist” хэмээх гол үүрэг
гүйцэтгэгч байгууллагын нэрийг “Israel Innovation Authority” хэмээн өөрчилсөн.
Инновацын тогтолцоог бүрдүүлж буй эрх зүйн баримт бичгүүд:
• Encouragement of Industrial Research and Development Law /1984/
• Yozma program or policy /1993/
• The Investment Law /1959/
• Angel's Law /2011/
• Tel Aviv Stock Exchange /TASE/ regulations 2015
3. Тухайн тогтолцооны зорилго
R&D Law-д зааснаар тухайн хуулийн зорилго нь:
• Шинжлэх ухаан технологийн боловсон хүчин болон түүнийг шингээсэн аж
үйлдвэрлэлийн ажлын байрыг бий болгох, улсын хэмжээн дэх технологийн
болон шинжлэх ухааны дэд бүтэц, боловсон хүчний нөөцийг ашиглах,
өргөжүүлэх замаар шинжлэх ухааны эрчимтэй үйлдвэрлэлийг хөгжүүлэх,
улсын төлбөрийн тэнцлийг нэмэгдүүлэх хэмээн заасан. Мөн Израилийн эдийн
засагт ханасан/илүү өгөөжийг бий болгоход зорьж буй бөгөөд энэхүү хуульд
ханасан/илүү өгөөж гэдэг нь “судалгаа, хөгжүүлэлт эсхүл түүний үр шимээс
эдийн засагт үзүүлэх эдийн засгийн үр өгөөжийг хэлнэ” хэмээн томьёолсон.
4. Тухайн тогтолцооны зорилгын үр дүнгийн хэмжүүр үзүүлэлтүүд:
4.1. “Venture Capital” сангийн тоо (VC Policy: Yozma Program)
4.2. “Venture Capital” санд төвлөрүүлсэн нийт хөрөнгө оруулалтын хэмжээ /
ам.доллараар/ - (VC Policy: Yozma Program)
4.3. ГШХ-аас “Venture Capital” санд оруулсан нийт хөрнгө оруулалтын хэмжээ
/ам.доллараар/ - /ам.доллараар/
4.4. Технологийн стартапт оруулсан нийт хөрөнгө оруулалтын хэмжээ (ам.
доллараар) - (R&D Law)
89