G`a`rezsizlik ha`m milliy qatnasiqlardin` rawajlaniwi kk

G`a`rezsizlik ha`m milliy qatnasiqlardin` rawajlaniwi kursinan
lektsiya tekstleri
I. Kirisiw.
Reje
1. Milliy qatnasiqlar
2. Olardin` ja`miyetlik qatnasiqlar sistemasindag`i orni.
1. Milliy qatnasiqlar
G`a`rezsizlik O`zbekistan Respublikasi turmisinda jan`a betlerdi aship, O`zbek xalqi
o`zinin` ko`p min` jilliq tariyxinda birinshi ma`rtebe o`z g`a`rezsiz ma`mleketin ju`zege
keltiriwi.
«Endigi basli waziypamiz-dedi prezident I.A Karimov bul protsseslerdin` ilimiy teoriyaliq
tiykarlarin, olardin` jan`a qirlarin aship beriwden ibarat»
“a`rezsizlik ha`m milliy qatnasiqlar - G`a`rezsizliktin` a`hmiyeti sonnan ibarat, ol
milletaliwinda jan`a imkaniyatlar ashadi, onin` rawajlaniwin tezlestiredi. Ene sol sebepli xa`rbir
xaliq, xa`rbir millet g`a`rezsizlikti a`rman etedi. O`zbek xalqi, qaraqalpaq xalqi a`ne usi
armanina eristi.
Bul waziypani bejeriw o`z-o`zinen bolmaydi. G`a`rezsizlik bug`an imkaniyat beredi, jol
ashadi, lekin bul imkaniyattan paydalanip, ma`mlekettin` rawajlaniwin jan`a da`rejege ko`teriw
bizge, bizin` miynetimiz sho`lkemlestiriwshiligimiz, intamizg`a baylanisli.
Degen menen ga`p bul jerde bizin`, yag`niy O`zbekistan xalqinin` sho`lkemlese biliwinde
birge islegen xa`reketi ha`m miynetinin` na`tiyjeliginde. Bul jolda joqari ko`rsetkishlerge erisiw
ushin ma`mleketimizdin` barliq xalqi o`z miynetlerinin` na`tiyjesin zaya etpewleri kerek.
Lekin bul jetiskenliklerge erisiwde biz bir qatar qiynshiliqlarg`a du`s kelemiz. Solardin`
biri O`zbekistan xalqinin` ko`p millet ha`m olardan sho`lkemleskenligi. Olardin` ha`r birinin` o`z
tili, miliy u`rin a`detleri, milliy ma`deniyati, ma`na`wiyati, u`rin-a`det ha`m da`stu`rleri bar. Bul
na`rselerdi hem waqit inkar etiwge bolmaydi. Olar menen eskilesiw za`ru`r ha`m lazzim.
Ha`rbir millet ha`m elattin` tili, ma`deniyati, u`rip-a`det, da`stu`rlerin hu`rmet etip g`ana
biz olardin` xu`rmet izzetine, mehir muxabbatina sag`awar bolamiz.
Joqarida aytilg`an juwmaqlardan ma`lim bolip turipti, o`zbekistan xalqin birlestiriw,
tatiwlastiriw ma`mleketimiz aldinda turg`an en` a`hmiyetli waziypalardin` biri. Bul maqsetke
erisiw ushin millet degen ne, ne ushin ha`r bir millet o`zine say til, ma`deniyati, u`rip-a`det
da`stu`rlerge iye olardi qolay etip inabatqa aliw mu`mkin ha`m za`ru`r ma`mleketlerdin` o`zo`zin
qatnasiwlarinda birinshi na`wbette qanday jag`daylar menen esaplasiw za`ru`r-bulardin`
ha`mmesi ma`mleketimizdin` ha`rbir puxarag`a ma`lim boliw kerek.
Sonda g`ana O`zbekstandag`i ba`rshe milletler ha`m elatlar arasinda qarama-qarsiliq,
naraziliq, jatirqaw mensinbewshilik siyaqli nuqsanlarg`a jol qoyilmaydi. Ma`mleketimiz
xalqinin` tatiwlig`i, birligi, o`z-o`zi bir-birine bolg`an xu`rmeti asip, bekkemlenip baradi.
Jan`a, G`a`rezsiz O`zbekistandi ma`na`wiy jan`laniwsiz ko`rip bolmaydi.
G`Ja`miyetti ma`na`wiy jan`alawdan go`zlengen bas maqset-deydi prezident I. A.
Karimov-ju`rt tinishlig`i uatan ko`rki, xaliq erkinligi ha`m pa`rwanlig`ina erisiw, ka`mil insandi
ta`rbiyalaw, ja`miyetlik birlik ha`m milletler ara tatiwliq, diniy ken` peyillik kibi ko`plegen
ma`selelerden ibaratG`
Prezidentimiz I.A. Karimovtin` bul pikirlerinen sol na`rse ma`lim boladi, milletler ara
tatiwliq g`a`rezsizlik sharayatinda jan`a siyasiy, ekonomikaliq ma`na`wiy tiykarg`a tayang`an
halda ju`zege keledi.
Biz u`yreniwge kirisip atirg`an bul fa`n (pa`n) a`ne usi ma`selelerdi tu`siniwde ba`rshege
ja`rdem etetug`in so`zsiz.