Bind 2 - Løgtingið

Hølisumstøður Løgtingsins
11
sett í, og at enda fór takið í luftina. Í 1719 segði fútin, at húsið
var niðurdottið, og tær syrgiligu restirnar seldar á uppboðssølu.
3
Stutt eftir varð nýtt tinghús bygt, men ikki gjørt liðugt. Í
einum brævi til løgmann, dagfest 7. januar 1722, skrivar fútin
millum annað: „Men som ieg hafver Ordre at lade opbygge et nyt
Laugtings Huus; Agter ieg at lade det fuldfærdige med Kledning
indeni saavidt som till Benkerne till lige med Andet som nu fattis.“ 4
Til hetta arbeiðið tørvaði honum pening, umleið 1 1/2 skinn
av mørkini. Trupult tykist hava verið at fingið løgmann at
ganga við til hendan eykaskatt, men fútin gav kortini sýslumonnunum
boð um at byrja innkrevjingina.
Aftur hesuferð gekk tó illa við løgtingshúsinum. Høvuðsorsøkin
var tann, at tilfarið, ið varð brúkt, var gamalt og vánaligt,
tað mesta keypt á uppboðssølu av Sjóbúðini, ið varð tikin
niður um somu tíð. Longu í 1759 var húsið illa farið. Tróður,
sperrur, nævur, loft, bitar, undirsløg og klædningurin vóru
rotin, og mett varð, at neyðugt var við eini høvuðsumvæling,
ið tó meira sannlíkt var ein nýbygging. Hvørja stødd løgtingshúsið
hevði áðrenn umbyggingina, er ikki greitt, men í
1759 gjørdist tað 13 alin langt og 9 alin breitt. Hetta arbeiðið
kostaði saman við eini træbrúgv um Havnará 235 gl. 12 sk. og
varð fíggjað við nevtollinum. Timburarbeiðið gjørdu Johannes
Poulsen og Simon Christiansen, meðan Peter Lave Tausen
fekk 6 gl. fyri at gera 2 vindeygu við 4 rammum, seta rútarnar
í kitt og mála vindeyguni reyð. 5
Tinghúsið 1854
Eftir at Løgtingið varð avtikið í 1816, varð húsið niðri í
Gongini umvælt til sorinskrivaran at halda rætt í. Tá Løgtingið
í 1852 kom saman aftur, varð ting aftur hildið í gamla
húsinum niðri í Gongini, men áðrenn ting kundi haldast,
skuldi tinghúsið umvælast og nýtt innbúgv fáast til vega.
Arbeiðstakari var Just Winther timburmaður í Tórshavn, sum
10. august sendi rokning til amtmannin fyri arbeiði „til Lagthingets
Forsamlingsstue“. Millum annað hevði Just Winther
3 Thorsteinsson, 1978 s. 6.
4 Fútin, Copiebog 1717–1729. Fútin til løgmann 7. januar 1722.
5 Thorsteinsson, 1978 s. 6.