Bind 2 - Løgtingið

Tinghúsið í 1980-unum
og 90-unum.
61 Løgtingstíðindi 1961, s. 343f.
Hølisumstøður Løgtingsins
39
stýrismenn eisini høvdu sess í løgtingssalinum. Broytingar í
stýrisskipanini høvdu harumframt havt við sær, at tær uppgávur,
ið tingið skuldi loysa, vóru nógv øktar, umframt at arbeiðið,
og ikki minst nevndararbeiðið, sum heild var vaksið. Verandi
løgtingshús var tí stutt sagt vorðið ov lítið. Nevndin metti, at
spurningurin um at útvega Løgtinginum betri umstøður at
virka undir átti at verða tikin til viðgerðar, og mælti hon tí til,
at ein millumtinganevnd við 5 limum varð sett at taka sær av
hesum og at geva Løgtinginum eina frágreiðing. Løgtingið
tók, við 18 atkvøðum fyri og ongari ímóti 7. mai 1962 undir
við hesum tilmæli, og 15. juni sama ár kunngjørdi løgmaður
løgtingslóg nr. 44 um løgtingshús. 61
Tað gingu nøkur ár, uttan at stórvegis úrslit spurdist burtur
úr lógini. Í 1969 kom gongd aftur á málið. Hetta árið skrivaðu
Landsstýrið og býráðið í Tórshavn út almenna norrøna hugskotskapping
um eina varðveitingar- og endurnýggingarætlan
fyri gomlu býarpartarnar í Tórshavn. Millum annað varð lagt
upp til, at tey innsendu uppskotini skuldu hava við sær ein
møguleika fyri at byggja tinghús úti í Tinganesi, og at møguleiki
skuldi vera fyri at húsa miðstøðuumsitingini í Tinganesi.