Bind 2 - Løgtingið

34 Løgtingstíðindi 1907, s. 142f.
Hølisumstøður Løgtingsins
25
ein partur av Húsagarðsfestinum og sostatt kongsjørð. Seinni
hevði Tórshavnar kommuna fingið fyrstarætt til at keypa hetta
stykkið. Ein fyritreyt fyri, at vaksast kundi um løgtingshúsið,
var tí, at Løgtingið vendi sær til kommunustýrið við eini
umbøn um loyvi at keypa jørðina. Kommunustýrið játtaði, at
Løgtingið kundi keypa fyri somu upphædd, sum kommunustýrið
hevði havt møguleika fyri, tvs. umleið 550 kr. Samstundis
vórðu kortini tær treytir settar, at Løgtingið átók sær hegnskylduna
og skylduna at halda Havnará, umframt at Tórshavnar
kommuna skuldi hava fyrsta rætt til at keypa økið, um
Løgtingið einaferð fór at flyta. 34
Timburmaðurin H.C. Andreasen gjørdi fyri 40 kr. tekning,
kostnaðarmeting og frágreiðing um, hvussu húsið skuldi víðkast.
Tikið varð av einum tilboði frá apotekaranum Olaf Finsen,
ið var 4.000 kr. fyri útvegan av øllum neyðugum tilfari til
arbeiðið. Pól Isaksen, H.A. Hansen og Djóni Isaksen skuldu
taka sær av málara-, timbur- og múraraarbeiðinum, ið sambært
tilboði kom at kosta 1.500 kr., og Johannes Simonsen og
August Mouritsen fingu 220 kr. fyri arbeiðið at gera grundina
til húsið.
Tá samanum kom, var tað omanfyri nevnda uppskotið hjá
Johan C.F. Dam um at leingja og byggja omaná løgtingshúsið,
sum kom tættast at endaligu umbyggingini. Húsið fekk kvist
og varð longt 6 1/2 alin í báðum síðum, so at tað fekk tað skap,
ið tað hevur havt fram til dagin í dag. Rimagarðurin, sum var
í norðara enda, takið og ein fittur partur av klædninginum
skuldu takast niður, men fyri at spara skuldi allur viður, ið ikki
var rotin, nýtast aftur, millum annað til forskalling. Húsið
varð klætt og fekk tak av rukkublikki, og innan vórðu gólv og
loft løgd sum í gamla bygninginum.
Tað gólvplássið, ið fekst afturat í sunnara enda, varð býtt í
tvey javnstór rúm við felags skorsteini, tveimum ovnum og
inngongd úr gomlu forstovuni. Afturatbygningurin í norðara
enda varð í høvuðsheitum nýttur til at víðka um plássið í
tingsalinum, men harafturat varð pláss fyri einum lítlum rúmi
og einum nátthúsi. Á loftinum varð kvisturin innrættaður
umframt eitt rúm í hvørjum endanum, og so langt úti undir
væðingini sum gjørligt vórðu á útloftinum sett tvey nátthús.