Bind 2 - Løgtingið

Onki kom burturúr
ætlanunum at byggja ein
stóran bygning, sum
skuldi hýsa bæði Løgtinginum,Telefonverkinum
og nýggju heimastýrisumsitingini.
Endin
var, at Telefonverkið
einsamalt fór undir at
byggja. Góð fimmti ár
seinni flutti Føroya Tele
úr húsinum aftur fyri at
geva pláss fyri Løgtinginum.
51 Løgtingsmál nr. XIII-18/1943.
52 Løgtingstíðindi 1943, s. 311f.
Hølisumstøður Løgtingsins
35
Telefonverkshúsið
Undir 2. veraldarbardaga varð løgtingshúsið einaferð uppi at
venda í Løgtinginum. Uppskot kom frá Fólkaflokkinum um
at fáa bygging í lag, og tað var lagt í Fíggjarnevndina til
viðgerðar. 51 2. november 1943 kom álit frá nevndini. Har
staðfesti nevndin, at tað ikki kundi verða talan um at fara
undir bygging av nýggjum løgtingshúsi, so leingi kríggið
herjaði. Ístaðin skeyt nevndin upp, at Landsnevndin fekk upp
í hendi at fara at kanna eftir, hvørjar skrivstovur kundu hugsast
at fáa innivist í einum nýggjum tinghúsi. Síðani skuldi Landsnevndin
fáa til vega hóskandi tekningar við kostnaðarætlanum
og tingast um best hóskandi pláss. Hetta uppskot varð samtykt
19–0. 52
Aðrar ætlanir um nýbygging vóru eisini frammi í tinginum
undir krígnum. Verandi telefonstøð varð bygd í 1912, tá umleið
60 telefonfelagar vóru, í 1944 vóru fleiri enn 500, umframt at
nøgdin av bygdalinjum var økt. Tí var átrokandi at fáa størri