Bind 2 - Løgtingið

Uppskotið hjá Johan
Ziska sum fekk 1.
virðisløn í kappingini um
at tekna nýtt tinghús í
1937.
Hølisumstøður Løgtingsins
29
sum sjálvt tingið. 43 Hetta varð samtykt við 12 atkvøðum, og
árið eftir varð málið tikið uppaftur. Ein tekning og kostnaðarætlan,
ið var fingin til vega frá byggimeistaranum Steingrím
Winther, vísti, at ein uppíbygging til løgtingshúsið hevði kostað
9.500 kr. Skuldi miðstøðuhiti samstundis leggjast í alt húsið,
fór tað at kosta 4.500 kr. Fíggjarnevndin viðurkendi, at ein
uppíbygging var neyðug, soleiðis sum viðurskiftini vóru. Av tí,
at Løgtingið sama ár hevði til viðgerðar fleiri sakir, sum kravdu
stórar peningaútreiðslur, kundi hon tó ikki viðmæla, at nakað
varð gjørt við málið. Løgtingið samtykti tí, at málið varð
goymt til árið eftir. Árið eftir varð uppíbyggingin enn einaferð
útsett, men nakað úrslit spurdist ongantíð burtur úr hesum
ætlanunum. 44
1930-árini
Ætlanirnar um at byggja nýtt løgtingshús vórðu sostatt av
ongum í fyrsta umfari, men tær vóru ongantíð heilt burturbeindar.
Við uppskoti frá 15. desember 1936 samtykti Løgtingið
at lata upp í hendurnar á Vinnunevndini at fáa til vega
tekning og kostnaðarætlan til eitt nýtt løgtingshús, fyri at
43 Løgtingstíðindi 1929, s. 5f.
44 Løgtingstíðindi 1930, s. 11, Løgtingstíðindi 1931, s. 4 og Løgtingstíðindi 1932, s. 5f.