Bind 2 - Løgtingið

Tinghúsið eftir umbyggingina
í 1906-7.
Hølisumstøður Løgtingsins
27
nýggju rúmini í sunnara enda á tinghúsinum skuldu verða
innrættaði til nýtslu hjá rættinum. Eftir samráðingar samtykti
Tinghúsnevndin, at hendan loysnin skuldi fremjast. 36
Umbyggingin í 1906–07 var bert byrjanin til eina áhaldandi
trongd á at nútímansgera tinghúsið. Til dømis legði Oliver
Effersøe í 1912 fram ynski um broytingar í løgtingssalinum.
Hann mælti millum annað til, at borðini skuldu flytast, so tey
stóðu sum fyrr, og at betri lampur vórðu fingnar til vega. 37 Í
1914 varð sett fram eitt uppskot um at byggja WC, men málið
varð útsett til árið eftir. Í 1915 varð tað tikið til viðgerðar
aftur. Nevndin, ið viðgjørdi málið, helt tað vera eftirynskjandi,
at tvey WC vórðu innrættaði, eitt á loftinum og eitt í veghædd.
Hon vildi tó ikki tilmæla, at arbeiðið varð gjørt, tí at kostnaðurin,
583 kr., varð mettur at vera ov dýrur, og helt tí frægast
vera at goyma málið til seinni. Árið eftir legði amtmaðurin
málið fram og bað um, at tað varð fingið í lag sama ár. Eftir
viðgerð í Fíggjarnevndini varð samtykt, at eitt WC skuldi
innrættast í veghæddini fyri ein mettan prís uppá 395 kr. 38
Arbeiðstakari var Ludvig Poulsen blikksmiður í Tórshavn.
36 Løgtingstíðindi 1907, s. 140f. F.A.J. 1907 Nr. 460.
37 Løgtingstíðindi 1912, s. 203. Oliver Effersøe til Løgtingið.
38 Løgtingstíðindi 1914, s. 105. Løgtingstíðindi 1915, s. 137. Løgtingstíðindi 1916, s. 154.