Bind 2 - Løgtingið

27 Løgtingstíðindi 1905, s. 81.
28 Løgtingstíðindi 1905, s. 85.
29 Løgtingstíðindi 1905, s. 86.
30 Løgtingstíðindi 1905, s. 87.
Hølisumstøður Løgtingsins
23
at teir, ið skuldu sita og arbeiða fyri vælferð landsins, høvdu
nøkulunda sømiligar og hugnaligar umstøður at arbeiða undir.
Løgtingið stóð ikki serliga høgt í virðing millum fólk, og við
verandi løgtingshúsið gjørdist einki við at bøta um hesa virðing.
„Det passer maaske godt for enkelte, som ikke ønsker Lagtinget
noget højere Niveau, og den passer godt til Lagtingsmændenes usle
Løn.“ Um møguleikar fyri at útvega nóg mikið av peningi helt
Jóannes Patursson, at varð peningur savnaður í nøkur ár, fór
hetta at verða nóg mikið til, at ætlanin kundi gerast veruleiki. 27
Kirkjubøbóndin tykist tó hava tosað fyri deyvum oyrum.
Aðrir tingmenn vóru fullvísir í, at føroyingar ikki kundu gjalda
hesa kostnaðarmiklu ætlan, uttan at tað fór at merkjast á
øðrum samfelagsviðurskiftum. Christian Bærentsen, amtmaður,
talaði um átreingjandi tørvin á at fáa bygt eitt tuberklasanatorium
í Føroyum. Hann førdi fram, at skuldi Løgtingið
gera eina dýra íløgu, sum vildi kravt annaðhvørt størri skattaásetan
ella lántøku í útlandinum, so skuldi hesin peningur
sjálvandi fara til eitt sanatorium. 28
Fríðrikur Petersen próstur helt, at: „Store Indtægter ere gode
for dem, som modtage dem, men ikke for dem, som de komme til at
paahvile som Udgifter.“ 29 Hann helt, at skeivt varð atborið, tá ið
einans ein ætlan varð umbiðin. Sannroynd var, at prísurin í
fyribils kostnaðarmetingini var farin góðar 9.000 kr. niður frá
fyrra til seinna uppskotið hjá H. Sinding Larsen. Um onkur
annar arkitektur varð biðin um uppskot, kundi tað meira enn
so hent, at tingið,: „… kunde maaske faa en endnu bedre og
billigere Plan.“ At arkitekturin enntá var norðmaður og ikki
dani, gjørdi sambært próstinum ikki málið betur. Hann helt,
at tað hevði verið ein fyrimunur, um nevndin hevði vent sær
til ein arkitekt í Keypmannahavn, møguliga mannin, ið stutt
frammanundan hevði teknað ráðhúsið í Keypmannahavn,
Martin Nyrop. 30
Løgtingsmaðurin Johan C.F. Dam, sum hevði verið limur í
løgtingsnevndini, helt ikki, at tíðin var búgvin til ætlaða
løgtingshúsið. Hann var kortini ikki í nevndini komin við
einum minnilutauppskoti, tí hann kendi ov lítið til bygging,