Bind 2 - Løgtingið

Tinghúsið, sum tað sá út
í ætlanini hjá H. Sinding
Larsen í 1904.
24 Løgtingstíðindi 1905, s. 81f.
Hølisumstøður Løgtingsins
19
skjótt eisini skuldi hýsa skjalasavninum hjá amtinum, men
bókarúmið var í vánaligum standi, og vandi var fyri, at um
loysn ikki varð funnin á bóka- og skjalasavnstrupulleikunum
rættiliga skjótt, fór amtið at flyta øll skjølini til Danmarkar,
haðani tey neyvan fingust aftur. 24
Málið varð reist í Løgtinginum í 1903. Stórvegis kom tó
ikki burtur úr hetta árið, men málið varð sent í tingsins føstu
nevnd, sum skuldi koma við uppskoti og fyribils kostnaðarmeting.
Ætlanin, sum nevndin hevði at arbeiða út frá, var, at
húsið skuldi vera stórt og kunna nýtast til fleiri endamál.
Umframt tingsal skuldu eisini Amtsbókasavnið, Amtsskjalasavnið,
ein rættarsalur og ein býráðssalur húsast undir somu
lon. Ógreitt var tó, hvar løgtingshúsið skuldi byggjast. Onkur
helt rættast vera at byggja har, ið verandi hús stóð, meðan
aðrir høvdu ætlanir um aðra staðseting. Nevndin kom ásamt
um, at byggjast skuldi í fornnorrønum byggisniði, møguliga
av kampagróti, og setti seg í samband við tann mannin, ið hon
metti vera best skikkaðan til uppgávuna. Hetta var norski
arkitekturin H. Sinding Larsen.