Skript në lëndën Gazetari e televizionit (e përmirësuar). - Gazetaria

Një dëshmi, është thjesht një shprehje subjektive, një pikë shikimi për një fakt nga një person i
vetëm apo edhe nga një grup, por nuk mund të konsiderohet si një informacion i plotë. Pra nuk
është vec se një element i rëndësishëm i njohurisë.
Dëshmia është ajo pjesë e informacionit të cilën gazetari nuk ka të drejtë ta thotë vetë me gojën e tij.
Në rastin e aksidentit, gazitari mund të marrë dëshmi nga njerëz që e kanë parë ngjarjen dhe të
kërkojë prej tyre ta përshkruajnë atë që gazetari nuk e ka parë.
Detyra e gazetarit është që ta mbushë informacionin edhe me dëshmi të tjera që mund të jenë edhe
të ndryshme apo t’i kundërvihen njëra-tjetrës.
Mos krijoni iluzione. Informacioni është gjithmonë i kontrolluar. P.sh. ju nuk mund ta mbuloni një
konflikt, por do të bazoheni te fjala e zëdhënësve të ndryshëm, e zjarrfikësve, apo të grevistëve.
Këta janë ata që ne i quajmë burime institucionale të informacionit. Janë më të shumtët. Por
informatat që japin ata në të shumtën e rasteve janë të dobëta. Puna e gazetarit insiston te zbulimi i
atyre që nuk janë thënë nga burimet zyrtare.
Tri detyrat themelore të gazetarit:
- Mbledhja e dëshmive.
- Tregimi i fakteve të verifikuara
- Analiza e fakteve për t’i vënë në perspektivën e një konteksti më të përgjithshëm.
Aplikim i këtyre rregullave në TV
Tv është një media polimorfe. Ka shumë objektiva: informimin, por edhe argëtimin dhe
kultivimin e një sensi më të gjerë të këtyre termeve. Është shumë e rëndësishme që çdo gjini të
identifikohet qartë, që publiku menjëherë ta bëjë dallimin midis informimit dhe argëtimit. Ky parim
çdo ditë e më pak po respektohet. Tv ka ambiguitet të këtyre gjinive në programe.
Elementet bazë në punën e gazetarit audioviziv:
26