Skript në lëndën Gazetari e televizionit (e përmirësuar). - Gazetaria

MONTAZHI
Përveç imazhit, me gjithë ato elemente që e bëjnë atë një nga llojet më atraktive të artit,
montazhi është po ashtu art, që i përdor të gjitha arritjet e fotografisë duke u shtuar teknikat e veta
që tashmë janë shumë mirë të fiksuara.
Ajo që ne e quajme stil të një regjisori, nuk është asgje tjeter vecse një përdorim më i vecantë i
teknikave. Edhe në stilet më të elaboruara, ne do të vërejmë respektimin më besnik të rregullave të
këtij arti. Në montazh rregullat i rezistojnë gjithmonë çdo kohe e çdo mode.
Të flasësh në këtë mënyrë, ndoshta do t’u duket se po flasim për një proces tepër strikt ku nuk ka
vend për invencion, por në fakt invencioni gjendet pikërisht brenda zbatimit të këtyre rregullave,
sipas përzgjedhjes së vetë krijuesit.
Sapo është përcaktuar se çka do të xhirohet, kamera udhëhiqet nga rregullat e montazhit.
Çuditërisht nuk janë regjisorët që i kanë vendosur rregullat e montazhit, ato u vërejtën nga gabimet
e bëra gjatë xhirimit dhe nevojat e montazhierëve që pak nga pak ndërtuan gjuhën e montazhit.
Ja skica e një sekuence të thjeshtë televizive:
51