Skript në lëndën Gazetari e televizionit (e përmirësuar). - Gazetaria

Pyetja nuk është nëse një gazetar i vetëm mund të zëvendësonte një ekip profesional, por sa do të
mund të bënte ai i vetëm po të gjendej larg redaksisë, shkruan Paul Stéphane Manier.
Profili i gazetarit audioviziv.
Cila është gjëja e parë që i kërkohet një gazetari audioviziv Pa imazh nuk ka televizion.
Gjëja e parë që i kërkohet një gazetari është të jetë në gjendje të filmojë një reportazh. Kjo kërkon
një bazë minimale të përgatitjes teknike dhe një praktikë të mirë. Sigurisht që një kuadër i xhiruar
keq provokon më pak irritim sesa një koment i keq. Telespektatori provon ta korrigjojë me mendje
një plan që dridhet, ndërkohë që ai mund të jetë seriozisht i shqetësuar nga një mungesë e zërit që
duhet të bëjë komentet përkatëse 1 . Megjithatë kjo nuk mund të shërbejë si arsyetim për cdo kuadër
të xhiruar keq nga video-gazetari.
Kameramanë e montazhierë, pas një kualifikimi për gazetari, marrë parasysh edhe përvojën
e ambicien e tyre, ndodh që të punësohen si gazetarë, e kundërta ndodh vërtetë rrallë, pra që një
gazetar i polikualifikuar të rekrutohet mes teknikëve të zërit apo montazhit. Kjo nuk është e
përcaktuar nga një rregull preciz, por është një konstatim i thjeshtë, sikurse është e qartë tashmë se
një gazetar i mirë nuk është vetëm ai që del nga një shkollë gazetarie.
A bëhet fjalë këtu për një aftësi të kufizuar teknike të video-gazetarëve apo është natyra
dinamike e profesionit së cilës i mungon adrenalina po të kufizohej vetëm në lëminë e teknikës
Nga përvoja personale si video-gazetare e ndiej që kompetenca në xhirim apo montim, ose nuk më
përfillet publikisht, ose nëncmohet nga ana e një pjese të mirë të kameramanëve apo montazhiereve
“profesionistë”. Këtë dua ta theksoj vecanërisht për gazetarët e rinj audiovizivë, të cilët për asnjë
moment mos të thyhen e të ndihen të paaftë. Do t’u sugjeroja vetëm të shikonin xhirimet apo
emisionet e para që kanë realizuar këta “profesionistë” që kryejnë vetëm atë punë tërë kohën, pse jo
edhe pas një përvoje edhe më të gjatë. Rregullat e xhirimit dhe montazhit tashmë janë të
përcaktuara mirë, nuk kërkohet asgjë më shumë për të qenë korrekt sesa zbatimi i tyre.
Limitet e polikualifikimit.
Edhe pse gazetari i polikualifikuar kujdeset për buxhetin e redaksisë, nuk duhen harruar dy faktorë
të rëndësishëm: koha e xhirimit dhe sigurimi i teknikës së përshtatshme. Imagjinoni një gazetar me
1 P. S. Manier, Le journalisme audiovizuel, f 174, DIXIT 2003.
5