Skript në lëndën Gazetari e televizionit (e përmirësuar). - Gazetaria

Një studim i bërë në Itali, ka nxjerrë si përfundim: nëse duam të kuptohemi nga një publik, që
së paku ka mbaruar një shkollë të mesme duhet të përdorim rreth 7000 fjalë, ndërsa nëse duam
të kuptohemi nga 66 përqind e popullsisë italiane duhet të kufizohemi ende më shumë në fjalor
(2000). Por kjo nuk do të thotë thjeshtësi në kuptimin e zbritjes së regjistrit në nivel banal dhe
as që thjeshtësia është më e lehtë për t’u realizuar, pikërisht është e kundërta.
Problemet e të kuptuarit .
Një fjalë e vështirë mund të kuptohet mirë në një kontekst të qartë. Këtu flasim për rolin tjetër
të rëndësishëm të gjuhës, që është risia. Në këtë pikë i rikthehemi edhe një herë rolit edukativ
të medias. Kemi rastin e demarkacionit të kufirit midis Kosovës dhe Maqedonisë, sa përqind e
popullatës ju mendoni se e kanë kuptuar termin që tregon përcaktimin e vijës kufitare midis
këtyre dy shteteve
Fjalitë e shkurtra dhe lidhëzat bashkërenditëse në vend të atyre nënrenditëse e thjeshtojnë të
kuptuarin. Shpesh e vërej dëshirën e studentëve për të shkruar fjali të gjata e shpesh edhe
gabojnë në përzgjedhjen e elementeve lidhëze të fjalive nënrenditëse apo edhe nuk e
respektojnë kohezionin e koherencën e periudhës. Për gazetarin e televizionit detyra e parë
është që të mësojë të shkruajë fjëli të shkurtra, pra thjesht, harrojini fjalitë e gjata nënrenditëse.
Ndajini fjalitë tuaja në fjali të shkurtra të thjeshta, kështu do të mësoni vetvetiu t’i thjeshtoni
fjalitë e t’i përzgjidhni më mirë fjalët, do ta shikoni se nuk keni aq kohë sa për t’i përmbledhur
të gjitha ato që keni shkruar në tekstin e parë apo edhe të dytë.
Teksti dhe imazhet.
Teksti eshte ne favor te imazhit. Teksti limitohet për të shpjeguar cka paraqet imazhi, pra atë që
nuk del shume e qartë nga imazhi. Nëse ju do të mësoheni të komentoni pamjet tuaja, do të jeni
shumë më të kujdesshëm që kur niseni për të përgatitur storien. Që para nisjes së ekipit, duhet
ta keni mirë të qartë se për cka do të punoni, dy apo tri ide duhet t’i keni që në këtë fazë për
7