2. - Albas

sa ne
... Moxarti
Përshëndetje miq! Ju ndoshta nuk më
njihni mirë, por kur ishit të vegjël, prindërit ju
vinin në gjumë nën tingujt e ëmbël të muzikës
sime. Unë jam Volfgang Amadeus Mozart,
ndoshta keni dëgjuar për mua.
Unë kam lindur në Salzburg, më 27 janar
1756. Kam një motër më të madhe, e cila e ka
emrin Maria Ana, njësoj si mamaja ime.
Babai im, Leopoldi, është muzikant. Ai është
shumë i ditur dhe mua më ka mësuar mjaft
gjëra. Kur isha 3 vjeç, babai më mësoi të luaja
në klaviçembol. Ai dhe motra janë shumë
krenar për mua. Ata më duan shumë dhe unë
e dua shumë ata.
Motra ime është 4 vjet më e madhe se unë. Edhe ajo është muzikante, i bie mirë pianos
dhe shkruan pjesë për piano. Por babi tregon më shumë kujdes ndaj meje sesa ndaj saj. Ai
thotë që unë jam një gjeni i lindur, por unë këtë fjalë nuk e kam kuptuar akoma.
Fëmijë, më sipër Moxarti na tregoi për fëmijërinë e tij,
kur u zbulua talenti i tij i jashtëzakonshëm. Në të vërtetë
puna e tij e madhe filloi në adoleshencë.
Në moshën 11-vjeçare ai kompozoi një dramë me temë
të marrë nga Bibla. Ajo u pasua nga krijime të tjera, të
cilat tërhoqën vëmendjen e peshkopit të Salzburgut. Ai
dyshonte shumë për talentin e mikut tonë. Kur Moxarti
ishte 13 vjeç, babait të tij i ofruan 120 dukatë për një
udhëtim në Itali. Është e qartë që peshkopi mbeti i
mrekulluar nga talenti dhe puna e gjeniut të vogël.
Një vit më vonë përvoja nga udhëtimi në Itali e frymëzoi
atë për kompozimin e kuarteteve, operave e simfonive
të para.
8