2. - Albas

GRIPI
Është sëmundje ngjitëse. Shkaktohet nga një
virus që përhapet nëpërmjet ajrit. Kur kollitemi,
teshtijmë, puthemi, shkëmbejmë shami, lugë,
pirunë virusi kalon nga njëri person në tjetrin.
Nëse rri me një person me grip, mund ta
marrësh edhe ti.
Shenjat shfaqen 2-3 ditë pasi e ke marrë
virusin. Gripi prek zakonisht sistemin e sipërm
të frymëmarrjes (hundën, laringun, faringun).
Megjithatë, mos u shqetëso! Në ditët tona gripi
parandalohet lehtë. Do të të mundojë pak në
fillim, disa ditë madje do të rrish edhe pa luajtur,
por kjo do të kalojë shpejt.
shenjat e gripit:
- temperaturë deri në 40 o c
- ethe
- dhimbje muskujsh, koke dhe fyti
- kollë e thatë
- lodhje
- të vjella
- diarre
Përkujdesja në kushtet shtëpiake:
- Qëndro në shtrat!
- Pi lëngje frutash dhe ujë!
- Mund të përdorësh paracetamol, ibuprofen, por jo aspirinë!
Këto shenja mund të zgjasin 3-4 ditë, ndërsa lodhja
dhe kolla mund të zgjasin deri në dy javë.
Parandalimi:
- Laji duart me sapun dhe ujë të rrjedhshëm.
- Mos prek gojën, hundët, sytë me duar të palara.
- Shmang kontaktin me persona me grip.
- Vaksinohu, nëse nuk je vaksinuar ende. Vaksinat nuk merren vetëm me
gjilpëra, por edhe si spraj nga hunda.
- Qëndro në shtëpi, derisa shenjat e gripit të zhduken plotësisht. Mos shko në
shkollë dhe mos luaj për disa ditë.
Pasi të kalojë gripi do të ndihesh si i ri! Ups! Harrova që ti je i ri!!
50