2. - Albas

Në Shqipëri darka
shtrohet në çdo familje
natën e 31 dhjetorit, duke pritur të
hyjë Viti i Ri.
Gatime të veçanta të darkës së Vitit të Ri janë:
gjeli ose pula e detit, përsheshi, sallatat dhe salcat e
ndryshme. Në vendin tonë, por edhe në vende të tjera
të Ballkanit është karakteristike kulaçi ose byreku me
monedhë brenda. Personi që gjen monedhën në pjesën
e tij do ketë fat gjatë të gjithë vitit. Në tryezë nuk
mungon asnjëherë ëmbëlsira, vera e kuqe dhe pijet
freskuese.
Në vendin tonë besohet se personi i parë
që shkel në shtëpi pas ndërrimit të
viteve sjell fat të mirë ose të
keq.
Vendi
i parë që
pret Vitin e Ri
është Zelanda
e Re.
Në
Australi Viti i
Ri festohet në plazh. Ju
duket e çuditshme Në fakt,
atje në dhjetor bën vapë, është
verë! Kjo ndodh sepse stinët
këmbehen kur lëvizim nga
hemisfera veriore e globit
në atë jugore.
Në Rusi Viti i Ri
festohet më 7 janar.
Rusët hedhin fishekzjarrë dhe pinë
shampanjë. Ata numërojnë sekondat e
fundit të vitit të vjetër.
Në orën 12 bien kambanat. Për çdo
kumbim ata shprehin nga një
dëshirë.
Spanjollët
në mesnatën e
ndërrimit të viteve,
hanë 12 kokrra rrushi
që të kenë 12 muaj
të ëmbël.
Në Filipine
njerëzit hedhin monedha
në kuti prej teneqeje dhe i tundin.
Kështu ata shpresojnë të kenë më
shumë para gjatë vitit të ardhshëm.
Fëmijët hidhen së larti, në mënyrë që
të zgjaten më shumë. Zbukurimet
e festave bëhen me bambu dhe
celofan.
Anglezët
varin veshtull në
shtëpitë e tyre. Nëse një
mashkull e një femër gjenden
njëkohësisht nën veshtull, ata
duhet te puthen. Në Skoci besohet
se djemtë e gjatë, simpatikë dhe
me flokë në ngjyrë të errët
janë më fatsjellësit.
24