2. - Albas

E dini pse festohet Krishtlindja Po Viti i Ri
I dashur Babagjysh,
Ja ku po vjen Viti i Ri dhe po mendojmë për
shumë gjëra, por sidomos për dëshirat. Tani që
nuk do të ketë më viza ne duam të udhëtojmë
në disa qytete të Evropës: Athinë, Romë, Paris
etj. Por ne nuk kemi hequr dorë as nga lodrat.
Sidneji do një xhip me telekomandë, kurse unë
dua një aeroplan (mund t’i blemë edhe atje). Ah,
sikur të na dëgjoje!
Të puthim fort,
Xhei Kalemi
Sidnej Shkalla
Para lindjes së Krishtit, shumë popuj,
festonin si ditën e Vitit të Ri pikërisht
21 dhjetorin. Kjo lidhej me natën më
të gjatë të vitit. Ata besonin se dielli
ishte një perëndi dhe dimri vinte
atëherë kur ai sëmurej dhe dobësohej.
Njerëzit e besimit të krishterë i festojnë Krishtlindjet më
25 dhjetor, ditën kur lindi Krishti 2010 vjet më parë.
Krishtlindja quhet edhe festa e fundvitit.
Ata bëjnë biskota që i quajnë kolendra
dhe shkojnë në kishë. Në pjesën më të
madhe të globit njerëzit presin Babagjyshin
e Krishtlindjeve t’u sjellë dhurata fëmijëve
që janë sjellë mirë gjatë vitit. Këtë plak të
dashur me mjekër të bardhë e kostum të
kuq në vendin tonë e njohim si Babagjyshin
e Vitit të Ri.
Po kështu, kishte popuj të tjerë që ditë të
parë të vitit nuk kishin 1 janarin, por 1 marsin.
Në mars rifillonte jeta: koha ngrohej, dëbora
shkrinte e bimët çelnin. Më vonë u pranua
që të përdorej një kalendar ku viti i ri
të fillonte më 1 janar.
22