2. - Albas

Keni menduar çfarë doni të bëheni kur të rriteni
Sigurisht është ende herët për të vendosur, por jam
e sigurt që disa pasione i keni. Ka fëmijë që e kanë
vendosur që tani ç‘do të bëhen, ka nga ata që nuk e
dinë akoma. Ka edhe nga ata që u pëlqejnë të bëjnë
shumë gjëra njëkohësisht. Kjo nuk është e pamundur,
por është e vështirë për t’u arritur. Më poshtë do t’ju
tregoj dy letra: të një mikut tim që e ka vendosur se
çfarë do të bëhet dhe të një mikes sime që është
akoma me dyshime.
Kur të
Letra e parë:
E dashur revistë!
Unë jam Kevin. Jam në klasën e dytë të shkollës ACT. Unë
banoj në rrugën “Don Bosko”, e cila është afër spitalit.
Në rrugën tonë dëgjohen shpesh sirenat e ambulancave.
Sapo dëgjojmë një sirenë ambulance, unë me prindërit
lutemi që i sëmuri të shërohet. Kur të rritem dua të bëhem
doktor, që të ndihmoj të sëmurët të shërohen.
Unë ju falenderoj që më dhatë mundësinë të shpreh
dëshirën time.
Me respekt, Kevin Rista
Siç e shihni, Kevini ka
vendosur të bëhet doktor. Ai
do të shërojë të sëmurët.
Letra e dytë: E dashur redaksi e revistës ( )
Kam marrë vesh që keni një rubrikë ku ne mund t’ju tregojmë për
pasionet tona.
Unë e kam gjysëm të vendosur se çfarë do të bëhem. Një mendje
më thotë mjeke. Dua ta ndihmoj gjyshen time kur është sëmurë.
8
Një mendje tjetër më thotë të bëhem top modele. Dua të mbaj
trupin në formë dhe të jem gjithmonë elegante. Dua të vesh taka të
larta dhe të jem në modë.
Unë kam dhe një pasion tjetër!
Më pëlqen të bëhem aktore, sepse më pëlqejnë shumë filmat.
E dashur redaksi! Ç’kisha për t’ju thënë jua thashë me gjithë
sinqeritetin e ndjenjave të mia. Do t’ju shkruaj përsëri dhe mendoj
të jem mike me ju.
Faleminderit shumë, shumë të gjithë tetave dhe xhaxhave që jeni
atje.
Greis Mato Klasa e katërt ACT – Tiranë