2. - Albas

Të përveshim mëngët...
Në këtë numër të parë përmendëm diçka nga historia
e pikturës. Tani le t’i futemi punës! Së pari
gjeni një vend ku nuk ju bërtasin prindërit nëse bëni
pis. Mund të vendosni gazeta nëpër dhomë, njësoj si të
jeni duke lyer shtëpinë. Mos harroni të vishni rroba të
vjetra!
40
Tema e sotme do të jetë e lirë.
Mund të vizatoni çfarë ju pëlqen më shumë, por do
të përdorim gishtat dhe duart. Merrni ngjyrat tuaja të
preferuara dhe lejoni fantazinë të shpërthejë. Mos harroni
një këshillë të vogël. Përdorni gishtin e madh për të bërë
disa vija kufizuese për të dalluar atë do të krijoni. Mos
nguroni t‘i përdorni të gjithë gishtat për të ngjyrosur.
Nëse bëheni pis, mos u shqetësoni, edhe piktorët e
mëdhenj kur mbaronin pikturën ishin të mbuluar me
bojë nga koka deri te këmbët.
Një mënyrë e thjeshtë dhe argëtuese është të pikturoni
në një kuti të hapur nga sipër. Merrni një kuti dhe
vendoseni mbi disa gazeta. Brenda mund t’i shtroni
fletë letre të bardha. Mbushni disa tullumbace të
vogla me pak bojë dhe shpojini me shkrepëse në
mënyrë që boja të përhapet më shpejt mbi kuti.
Çdo gjë e pazakontë lejohet, përveç mjeteve të
zakonshme të vizatimit, si: lapsi, ngjyrat etj.
Gjithashtu, mos harroni të na shkruani dhe të na i
dërgoni pikturat tuaja. Jemi shumë të interesuar të
dimë se si ia dolët mbanë.