2. - Albas

Mirësevin
zebra
Miq, unë jam Noeli!
Ashtu si ju, më pëlqejnë shumë kafshët
dhe nuk po flas vetëm për macet, qentë apo
kafshët e tjera shtëpiake, por edhe për ato më të
çuditshmet. Nëse edhe juve ju pëlqejnë atëherë
më ndiqni, pasi do t’ju njoh me kafshët e xhunglës.
Këto kafshë janë shumë interesante dhe të
shumëllojshme. Disa janë të bukura, disa të
frikshme, por të gjitha janë tërheqëse.
Meqë ra fjala te tërheqëset, a i keni parasysh zebrat e Afrikës
Zebrat bëjnë pjesë në familjen Equidae (në gjuhën latine dhe
shkencore), ku përfshihen kuajt, gomarët dhe natyrisht, zebrat.
Pjesëtarët e kësaj familjeje gjitarësh kanë trupa muskulozë me
këmbë të gjata dhe të holla (ata nuk kanë gishta si ne), për të
vrapuar shumë shpejt dhe me thundra poshtë. Zebrat e kanë
trupin vija vija, të bardha dhe të zeza.
Por edhe sjellja e tyre të lë përshtypje. Asnjeri nuk ka mundur
t’i zbusë ato, siç është bërë me kalin dhe gomarin. Pikërisht
prej kësaj kanë marrë edhe emrin, i cili vjen nga portugalishtja
e vjetër, “zevra” që do të thotë “gomar i egër”. Këto kafshë
mund të gjenden në vendbanime të ndryshme, si në fusha,
savana, pyje, lugina, male dhe kodra. Por, faktorë të ndryshëm e
kanë vështirësuar shumë jetesën e zebrave, simodos ndjekja nga
gjuetarët që kërkojnë lëkurën e tyre aq të bukur.
34