You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
20. — SKREF FYRIR SKREF<br />
SKREF<br />
FYRIR<br />
SKREF<br />
#2<br />
ÚTSKRIFTARBÓK<br />
LHÍ 2009<br />
texti RAGNAR MÁR NIKULÁSSON<br />
myndir RAGNAR MÁR NIKULÁSSON<br />
og KATLA RÓS VÖLUDÓTTIR<br />
Það er hefð fyrir því að tveir nemendur á öðru ári eru<br />
fengnir til þess að gera útskriftarbók Listaháskóla<br />
Íslands. Við vorum fengin í það verkefni vorið 2009.<br />
Þetta var mjög krefjandi verk sem tók vel á á köflum.<br />
Það var mikið sem þurfti að gera og stuttur tíma til þess<br />
að framkvæma það. En að verki loknu vorum við alsæl.<br />
Til að byrja með köstuðum við á milli okkar allskyns<br />
misgóðum hugmyndum. Á endanum komumst við að þeirri<br />
niðurstöðu að vinna út frá tveimur þáttum, annarsvegar<br />
að skera út mörg lög af týpógrafíu og stafla þeim upp og<br />
hinnsvegar að vinna með mislit bönd inn í það.<br />
Við völdum letrið Blender út frá því hversu auðvelt yrði að<br />
skera það út. Við skárum út nokkur lög af týpógrafíu fyrir<br />
kápuna, kaflaskipti í bókinni og veggspjöld. Því næst<br />
röðuðum við þeim upp, síðu fyrir síðu, til að ná fallegum<br />
tröppugangi í stafina, svo komum við blómavírnum<br />
fyrir og ljósmynduðum staflana. Forsíðuna mynduðum<br />
við með tækni sem kallast „stereography“. Eftir að<br />
ljósmyndirnar voru tilbúnar færðum við þær inn í tölvu<br />
og breyttum litnum á blómavírnum, einn lit fyrir hverja<br />
deild skólans. Við létum vírana lenda fyrir framan hverja<br />
deild í efnisyfirlitinu, og koma svo út í hvern kafla fyrir sig.