Mæna 2010

21.
Í tilraunaferlinu handskárum við út um 10 lög af týpógrafíu,
sem tók heila eilífð og kostaði okkur væga sinaskeiðabólgu.
Eftir að hafa séð hversu langan tíma það tók
að skera út 10 blöð, og í ljósi þess að við ætluðum okkur
að gera vel yfir 100 stykki, þurftum við að leita betri leiða
fyrir útskurðinn.
Við fengum þá flugu í hausinn að hafa forsíðu bókarinnar í
þrívídd, pöntuðum 600 þrvívíddargleraugu án þess að hafa
það á hreinu hvernig við ættum að framkvæma þetta.
Prentararnir voru skeptískir á hvort hægt væri að prenta
forsíðuna í þeim litum sem þurfti til þess að ná fram
þrívíddinni en …
Það tókst. Við fundum mann að nafni Snorri Már Snorrason.
Hann rekur lítið fyrirtæki sem nefnist Formfast, sem
sérhæfir sig í hönnun og framleiðslu pakkninga. Hann var
svo vænn gefa okkur aðgang af forritanlegri skurðarvél
sem gerði okkur kleift að klára útskurðinn á einni helgi.
Við lásum okkur til um „stereography“ og enduðum á því
að sérsmíða festingu á þrífót sem hægt var að festa á tvær
ljósmyndavélar í einu. Á þennan veg gátum við tekið tvær
myndir á sama tíma frá örlítið mismunandi sjónarhornum
og splæst þeim saman í eina „stereo-mynd“.
Við lærðum að takast á við stór verkefni og að láta ekki
stærð hugmyndarinnar stoppa okkur af. Það er alltaf
hægt að finna lausnir á öllum vandamálum. Við erum
ánægð með útkomuna, hún er í líkingu við það sem við
lögðum upp með frá byrjun.