Mæna 2010

47.
Hver er munurinn á ykkur/þér og stóru/litlu stofunum?
VATIKANIÐ — yfirmaður
Munurinn er sá að hér taka allir meira en 100 kíló í bekkpressu. Að öðru
leyti þekki ég ekki hver munurinn er. Hef aldrei unnið á hinum stofunum.
Hópnum er stýrt eins og togaraáhöfn og hér djöflast menn frá morgni til
kvölds, efast um að það sé stemmningin annarsstaðar. Hér eru jakkaföt
bönnuð og bindi klippt. Mönnum leyfist að blóta og vera þeir sjálfir á
Vatikaninu. Hljómar þetta eins og einhver önnur auglýsingastofa? Er
þetta ekki fekar eins og lýsing á beitingaskúr?
Hvíta húsið
FÖÐURLANDIÐ — yfirmaður
Fyrir utan augljósan stærðarmun þá myndi ég fyrst og fremst halda
að fórnfýsi og óstjórnanlegur frjálsleiki einkenni okkur.
JÓNSSON & LE’MACKS — yfirmaður
Sem stór stofa á íslenskan mælikvarða höfum við fleiri raddir, breiðari
kunnáttu og meiri samanlagða reynslu en lítil stofa. Við ráðum við allar
hliðar verkefna og getum þjónað stærri viðskiptavinum.
SJÁLFSTÆTT STARFANDI — hönnuður
Ég kem til dyranna eins og ég er klæddur og kúnninn má hringja klukkan
3 á nóttunni ef hann þarf á mér að halda … en alls ekki fyrir hádegi …
Eftir hverju leitið þið þegar nýr hönnuður er ráðinn?
VATIKANIÐ — yfirmaður
„Portfolioið“ er það fyrsta sem maður lítur á. Menntun og meðmæli hafa
litla vigt ef það er auðséð að viðkomandi hefur ekki náttúrulega hæfileika.
Viðhorf og karakter viðkomandi einstaklings hafa einnig mikið að
segja. Neikvæðir fýlupúkar eru ekki vinsælir á litlum vinnustað eins og
þessum. Allir starfsmenn verða svo að uppfylla eftirfarandi skilyrði:
Geta slegist.
Nenna að vinna.
Ekki vera með sérþarfir þegar við pöntum pizzu.
Að öllu gríni slepptu þá er það manngerðin sem mestu ræður um ráðningu
þegar að verið er að velja á milli aðila sem hafa sambærilega getu.
Fyrirtæki eins og þetta stendur og fellur með þeim anda sem ríkir, þess
vegna er raðað saman hóp sem á skap saman.
FÍTON — yfirmaður
Það má líkja auglýsingastofu við fótboltalið. Við þurfum að hafa
góða leikmenn í allar stöður, hvort sem er í vörn eða sókn. Því skiptir
miklu máli að gera sér grein fyrir veikleikum liðsins og finna svo réttu
leikmennina í samræmi við það. Það er ekki hægt að stilla upp liði með
eintómum sókndjörfum prímadonnum, þó þær verði auðvitað að vera til
staðar í liðinu. Rétt samsetning á hverjum tíma skiptir höfuðmáli.
HVÍTA HÚSIÐ — yfirmaður
Hönnun, hugmyndaauki, sköpunargáfu, vinnusemi og rétta karakternum.
Hvað er það eftirminnilegasta sem þið hafið ráðið manneskju út frá?
VATIKANIÐ — yfirmaður
Hallmar kallaði mig tussu í atvinnuviðtalinu sínu. Sennilega er
það eftirminnilegast.
FÍTON — yfirmaður
Fyrir tíu árum réði ég dyravörðinn af Kaffibarnum í vinnu, eingöngu til
þess að komast fram fyrir röðina. Ég er löngu hættur að fara á Kaffibarinn
en sit uppi með dyravörðinn.
HVÍTA HÚSIÐ — yfirmaður
Oft er þetta spurning um að vera réttur maður, á réttum stað, á réttum
tíma. Fyrir u.þ.b. tveimur árum síðan sátum við á fundi og ræddum um
að okkur vantaði manneskju með ákveðna hæfileika. Þegar við gengum
út af fundinum stóð maðurinn, sem við ætluðum að leita að, í móttökunni
með atvinnuumsókn í höndunum. Hann var ráðinn á staðnum, byrjaði
samdægurs og hefur verið hjá okkur síðan.