Mæna 2010

43.
Vatikanið
Hefur ástandið í samfélaginu haft áhrif, vinnuálagið breyst?
JÓNSSON & LE’MACKS — hönnuður
Ástandið hefur klárlega breytt vinnunni, kúnnarnir eru passasamari
á kostnað og nálgunin á verkefnin eru öðruvísi en fyrir hrun. Vinnuálagið
hefur samt aukist ef eitthvað er og launin lækkað.
JÓNSSON & LE’MACKS — yfirmaður
Já. Mikill samdráttur í auglýsingagerð hefur áhrif á allar stofur, þó
mismikið sé. „Dekurverkefnum” hefur fækkað og sama gildir um
allskonar tiltölulega smá verkefni sem nú ganga hægar eða er hreinlega
sleppt. Kostnaðarvitund hefur aukist og flestir viðskiptavinir eru
undir miklu aðhaldi varðandi kostnað og kynningarmál.
VATIKANIÐ — hönnuður
Fólk er komið með meiri húmor fyrir sjálfu sér og maður er frekar
að koma steiktari hugmyndum að.
VATIKANIÐ — yfirmaður
Já. Ástandið hefur klesst mjög harkalega á okkar bransa. Við vorum
sem betur fer ekki með mikil viðskipti frá byggingafélögum, bílasölum,
ferðaskrifstofum og fjármálastofnunum. Flestir okkar stærstu
viðskiptavina eru ennþá „alive and kicking“, þess vegna höfum við
ekki yfir miklu að kvarta. Öll aðföng hafa orðið miklu dýrari og rekstur
fyrirtækisins þ.a.l. mun dýrari án þess að hægt sé að hækka verðið á
okkar þjónustu og því finnur maður svo sannarlega fyrir, en að getað
átt í sig og á á þessum síðustu og verstu tímum er það eina sem maður
gerir kröfu á sem stendur.
SJÁLFSTÆTT STARFANDI — hönnuður
Ég hef það bara ótrúlega fínt og vill ekkert vera að „jinxa“ það.
SJÁLFSTÆTT STARFANDI — hönnuður
Færri verkefni, en alltaf sama pressan við þau sem eru í vinnslu.
HVÍTA HÚSIÐ — hönnuður
Það er meira að gera hjá mér.
FÍTON — hönnuður
Ég tek reyndar kreppunni fagnandi, því núna stóla auglýsingar á
góðar hugmyndir og snjallar lausnir en ekki rándýrar myndatökur
og glysgrafík.
FÍTON — hönnuður
Fyrst eftir hrunið datt tempóið svolítið niður, en allir voru fljótir að sjá
að það má ekki leggja árar í bát og finnst bara meiri hugur í fólki núna.
FÖÐURLANDIÐ — yfirmaður
Já, fyrst eftir hrun var útlitið heldur svart, en nú finnum við ekki fyrir
samdrætti því viðskiptavinir okkar, sem ætíð hafa sýnt okkur hollustu
og tryggð, hafa nú staðið af sér versta stormin og eru nú í sókn svo við
höfum vart undan.